Alaksandr Małčanaŭ: Televizijnaje pryznańnie vybivali šlacham cisku i pahroz
Palitviazień Alaksandr Małčanaŭ, asudžany na 3 hady turmy za ŭdzieł u masavych biesparadkach 19 śniežnia, dasyłaje listy na volu.
Palitviazień Alaksandr Małčanaŭ, asudžany na 3 hady turmy za ŭdzieł u masavych biesparadkach 19 śniežnia, dasyłaje listy na volu. Jany źmiaščajucca ŭ błohu Małčanava.
Voś što jon napisaŭ u apošnich listach. «Ukazaŭ u jaŭcy, što dziejničaŭ z chulihanskich pabudžeńniaŭ. I ŭ pakazańniach na dopytach padčas śledstva, i na sudzie ja ŭsio valiŭ na «efiekt natoŭpu». Maŭlaŭ, usio łamali dźviery, nu i ja nie dumajučy… Viadoma, nichto z KDBšnikaŭ mnie nie vieryŭ, ale jany z dnia majho zatrymańnia pa-dobramu i šlacham roznaha cisku i pahrozaŭ, prymušali ahučyć maje pakazanni pierad telekamieraj. Paźniej ja pahadziŭsia, padumaŭšy, što ŭ teleefiry ja paviedamlu svaje pakazańni, dzie śćviardžaŭ, što ŭ toj dzień na akcyju pryjechaŭ u adzinočku na paputcy. Tym samym dam ludziam na voli viedać jakija pakazańni ja daju. I tyja, chto byŭ u toj dzień sa mnoj, zmohuć pryniać miery. Ale sensu ŭ hetym užo nie było, na nastupny dzień paśla majho «intervju» jany vyznačyli ludziej, u čyjoj kampanii ja pryjechaŭ».
«Voś nadyšoŭ dzień suda, tam ja ŭpieršyniu ŭbačyŭ svaich padzielščykaŭ — Atroščankava i Novika. Niezrazumieła, na jakich padstavach nam pryšyli papiaredniuju zmovu.
Treba skazać, što adnosnaja padstava dla pryciahnieńnia da adkaznaści ŭ sudździ była tolki ŭ adnosinach da mianie. Nie razumieju, čamu Źmitru Noviku dali na paŭhoda bolš, čym mnie. Bo jon praktyčna ničoha nie rabiŭ, a suprać Alaksandra Atroščankava naohuł nie było NIJAKICH dokazaŭ.A atrymaŭ jon čatyry hady naohuł na roŭnym miescy. Voś i spraviadlivy sud
Kamientary