Zialenski paćvierdziŭ udar «Arešnikam» pa Ukrainie: «Ataka mienavita tady, kali adbyvajecca značnaje pachaładańnie»
Prezident Ukrainy prakamientavaŭ udar «Arešnikam» pa Ukrainie siońniašniaj nočču
«Uvohule za hetuju noč było 242 drony, tolki balistyčnych rakiet i mienavita suprać abjektaŭ enierhietyki i hramadzianskaj infrastruktury — 13, adna balistyčnaja rakieta siaredniaj daŭžyni Arešnik, a taksama 22 kryłatyja rakiety. Ataka mienavita tady, kali adbyvajecca značnaje pachaładańnie. Mienavita suprać zvyčajnaha žyćcia zvyčajnych ludziej», — napisaŭ jon.
U vyniku načnoha ŭdaru pa Kijevie zahinuli čatyry čałavieki.
Minabarony Rasii paćvierdziła ŭdar «Arešnikam» pa Ukrainie, paviedamiŭšy, što heta adkaz nibyta za ŭdar pa rezidencyi Pucina na Vałdai 29 śniežnia.
«Mety ŭdaru dasiahnuty. Paškodžany abjekty vytvorčaści bieśpiłotnych latalnych aparataŭ, jakija vykarystoŭvalisia ŭ chodzie terarystyčnaj ataki, a taksama enierhietyčnaja infrastruktura, jakaja zabiaśpiečvaje pracu vajenna-pramysłovaha kompleksu Ukrainy. Lubyja terarystyčnyja dziejańni z boku złačynnaha ŭkrainskaha režymu i nadalej nie zastanucca biez adkazu», — havorycca ŭ paviedamleńni.
Tym časam blizki da Kramla telehram-kanał «puł №3» paviedamiŭ čas dalotu «Arešnika» pa krainach Jeŭropy, kali zbroju raźmiaścić u Breście.
Ciapier čytajuć
Kurejčyk: Dzieci Cichanoŭskich pierajechali ŭ ZŠA24
Kamientary
[Zredahavana]