Prezident Donald Tramp zajaviŭ, što ZŠA hatovyja akazać dapamohu Ukrainie ŭ miežach pahadnieńnia ab biaśpiecy, nakiravanaha na spynieńnie vajny z Rasijaj, ale pry hetym vykazaŭ rasčaravańnie tempami pieramoŭ, paviedamlaje ahienctva Bloomberg.
«Ja dumaŭ, što my vielmi blizkija da zaklučeńnia pahadnieńnia z Rasijaj. Ja dumaŭ, što my vielmi blizkija da zaklučeńnia pahadnieńnia z Ukrainaj. Faktyčna, za vyklučeńniem samoha prezidenta Zialenskaha, jaho ludziam padabajecca prajekt pahadnieńnia», — skazaŭ prezident ZŠA ŭ čaćvier, adkazvajučy na pytańni žurnalistaŭ u Biełym domie.
Jaho kamientary prahučali paśla taho, jak pres-sakratarka Biełaha doma Kerałajn Levit zajaviła, što prezident «vielmi rasčaravany abodvuma bakami hetaj vajny» i «stamiŭsia ad sustreč dziela samich sustreč».
«Jon bolš nie choča razmovaŭ. Jamu patrebnyja dziejańni», — skazała Levit u čaćvier.
Prezident Ukrainy Uładzimir Zialenski raniej pradstaviŭ Biełamu domu novuju viersiju mirnaha płana, dapracavanuju paśla abmierkavańniaŭ z klučavymi jeŭrapiejskimi partniorami Kijeva.
Płan z 20 punktaŭ źjaŭlajecca «fundamientalnym dakumientam» dla spynieńnia vajny, zajaviŭ Zialenski.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
Jeśli bystro, to hladiš i proskočit, poka Jevropa i Sienat SŠA budut raźbiraťsia v etom dieŕ...mie putina i doni.