AirBaltic mianiaje raskład avijarejsaŭ u Vilenskim aeraporcie, kab paźbiehnuć prablem ź mieteazondami
Łatvijskaja avijakampanija airBaltic źmianiaje raskład dvuch rejsaŭ, kab nie traplać u situacyi, źviazanyja z zakryćciom Vilenskaha aeraporta praź mieteazondy ź Biełarusi, paviedamlaje lrt.lt.
Samalot Krakaŭ — Vilnia budzie prylatać u stalicu Litvy a 17:40 (raniej — paśla apoŭnačy), a Miunchien—Vilnia — a 18:55 (raniej — 22:15). Źmieny pačnuć dziejać z 20 listapada.
28 kastryčnika airBaltic u kamientary Delfi paviedamiła, što praz časovaje zakryćcio aeraporta ŭ Vilni prablemy byli ŭ 18 rejsaŭ airBaltic, heta adbiłasia na dziejnaści kampanii i hrafikach, uklučajučy złučalnyja maršruty.
Kampanija adznačyła, što ciesna supracoŭničaje ź litoŭskimi ŭładami i inšymi viedamstvami, kab spravicca z upłyvam zakryćcia aeraporta na pasažyraŭ i dziejnaść kampanii.
U kancy kastryčnika Vilenski aeraport čatyry razy za tydzień zakryvaŭsia na niekalki hadzin praź mieteazondy ź Biełarusi. Pryčym było heta pieravažna paśla 21:30.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary