Łukašenka zajaviŭ pra mahčymaść budaŭnictva AES na ŭschodzie Biełarusi
Alaksandr Łukašenka zajaviŭ pra mahčymaść budaŭnictva novaj AES na ŭschodzie Biełarusi, u tym liku, kali heta budzie nieabchodna, z raźlikam na zabieśpiačeńnie elektraenierhijaj akupavanych Rasijaj ukrainskich terytoryj. Pra heta jon zajaviŭ u Kramli 26 vieraśnia na sustrečy z Uładzimiram Pucinym, paviedamlaje BiełTA.
«Rasatam» užo prapracavaŭ varyjanty dalejšaha pašyreńnia našaj atamnaj enierhietyki. Ja nie chaču publična havaryć pra finansy. U nas jość varyjanty, ja skažu vam pra heta. Kali budzie pryniata rašeńnie, my adrazu pačniom stavić novy enierhabłok abo novuju stancyju, kali budzie patreba na zachadzie Rasii i ŭ vyzvalenych rehijonach», — skazaŭ jon.
«Pytańnie ź finansavańniem uvohule nie staić. Kali jość spažyviec, jaki budzie brać elektraenierhiju i płacić patrebny taryf, heta ŭvohule nie prablema», — skazaŭ Uładzimir Pucin.
«Tak. Heta samaje hałoŭnaje», — pahadziŭsia Łukašenka
Kamientary
Niama sumnievu, što čarhovy karpiankoŭ pabje lubyja šyby ŭ luboj kaviarni ŭ Minsku, kab atrymać jašče hrošaj na achovu AES.
Ale dzie spažyŭcy enerhii pa taryfu, u jaki zakładziena viartańnie kredyta RF?
Taryf užo bolšy na 11.9% za stary, daatamny, taryf.
"Pieršy" šmat havoryć pra jadziernuju zbroju RF. A jamu viadoma, što na uranavuju bombu patrebna tolki kala 30 kh U-235, što patrabuje usiaho tolki 5 ton UF6?
Na adnym Bałotnickim rudnym poli u basiejnie r. Prypiać sumarna pa dvum resursnym katehoryjam 30 000 ton syraviny.
Jaki taki "vyzvaleny" rehijon pakpicca na enerhiju pa pavyšanamu taryfu?
Ad takoj enerhii i "nievyzvaleny" rehijon admovicca, kali u im jeść svaja AES. Jana daść tańniejšuju enerhiju, bo pabudavana daŭno i niama nieabchodnaści viartać kredyt.