Na dniach kalektyvu kandytarskaj fabryki «Kamunarka» pradstavili novaha hienieralnaha dyrektara. Im staŭ Alaksandr Niačaj, jaki da hetaha ŭznačalvaŭ inšaje staličnaje kandytarskaje pradpryjemstva — «Słodyč», piša Office Life.
Niačaj pačaŭ vykonvać abaviazki kiraŭnika «Słodyča» ŭ 2014 hodzie. Heta adbyłosia nieŭzabavie paśla skandału z prasłuchoŭvańniem, u jakim była zamiešanaja byłaja dyrektarka pradpryjemstva Taćciana Sielich. Za 10 hadoŭ «Słodyču» ŭdałosia značna pavialičyć mahutnaści, u tym liku za košt dałučeńnia fabryk «Konfa» ŭ Maładziečnie i «Ivkon» u Iviancy.
Zaraz Niačaj pryjšoŭ na źmienu Siarhieju Aniuchoŭskamu. Toj uznačalvaŭ «Kamunarku» z 2021 hoda paśla paśpiachovaj pracy dyrektaram na «Čyrvonym charčaviku» ŭ Babrujsku. U 2019—2024 hadach byŭ členam Savieta Respubliki. Hod tamu «Naša Niva» pisała, što praź niuansy ŭ apłacie impartnych tavaraŭ da kiraŭnika minskaj kandytarskaj fabryki ŭźnikli pytańni z boku pravaachoŭnych orhanaŭ. Na hetym fonie Siarhiej Aniuchoŭski pačaŭ čaściej źjaŭlacca na publicy. Adnak jahony akaŭnt u instahramie pierastaŭ abnaŭlacca vosieńniu minułaha hoda.
Napiaredadni kadravaha rašeńnia na «Kamunarcy» asabisty pryjom hramadzian pravioŭ prakuror Leninskaha rajona horada Minska Dźmitryj Łukjanaŭ.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
Naznačienije novym hiendiriektorom «Kommunarki» rukovoditiela «Słodyča» katiehoričieski osuždaju, potomu čto eto chudšieje po kačiestvu produkcii priedprijatije konditierskoj otraśli Biełarusi: ot diefiektnych surrohatnych vafiel, otvratitielnyj vkus kotorych nie možiet pieriebiť dažie aromatizator, s tviordymi postnymi i pokocannymi vafielnymi słojami do konfiet, v osobiennosti otvratitielnych surrohatnych konfiet «Korovka» na palmovom maśle. Pri naličii etałonnych ot «Krasnyj Mozyrianin» na shuŝionnom mołokie i ślivočnom maśle, kotoryje, odnako, čiort hdie najdioš v biełorusskich mahazinach.