Dziaržaŭny sakratar ZŠA Marka Rubia padčas vystupu ŭ Sienacie zajaviŭ, što prezident ZŠA Donald Tramp nie pajšoŭ ni na jakija sastupki kiraŭniku Rasii Uładzimiru Pucinu. Jon padkreśliŭ, što sankcyi suprać Rasii dziejničajuć, a vajskovaja dapamoha Ukrainie praciahvajecca.
Takim čynam Rubia adkazaŭ na krytyku z boku sienatarki-demakratki Džyn Šachin, jakaja śćviardžała, što Tramp nibyta «hulniavaja fihura» ŭ rukach Pucina i što Rasija nie adčuvaje cisku, kab zhadzicca na spynieńnie ahniu.
Rubia pryznaŭ, što Tramp nie choča ŭvodzić novyja sankcyi, bo ličyć, što heta moža sapsavać mahčymaść vieści pieramovy z Rasijaj. Ale, pavodle jaho słoŭ, kali stanie vidavočna, što Rasija nie imkniecca da miru, to sankcyi ŭsio ž mohuć być užytyja.
Nahadajem, što 19 maja Tramp pravioŭ telefonnuju razmovu z Pucinym, paśla jakoj zajaviŭ, što Rasija i Ukraina nibyta chutka pačnuć pieramovy ab spynieńni ahniu. Adnak jon nie zhadaŭ pra patrabavańnie spynieńnia ahniu z boku ZŠA abo pra mahčymyja sankcyi ŭ vypadku admovy Pucina.
Taksama Tramp parazmaŭlaŭ z prezidentam Ukrainy Uładzimiram Zialenskim i jeŭrapiejskimi lidarami. Pavodle źviestak ŚMI, jeŭrapiejcy nie ŭbačyli ŭ Trampa žadańnia sapraŭdy cisnuć na Kreml.
Pucin raskazaŭ Trampu pra terakty, nibyta praduchilenyja na Krasnaj płoščy
Tramp zajaviŭ, što hatovy adstupić ad pieramovaŭ pamiž Ukrainaj i RF, kali nie budzie prahresu
Pucin paviedamiŭ, pra što havaryŭ z Trampam
«Pucin nie viedaje, jak vyjści z vajny». Vens zajaviŭ pra tupik va ŭkrainskim urehulavańni
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary
A vsie, kto jeho otmyvał, nie smohut otmyťsia SAMI !
Vied́, včiera, tramp otkazałsia ot svojeho BIEZUSŁOVNOHO pieriemirija i otpravił Zielenskoho, miesiacami, a možiet i hodami, obsuždať s putinym USŁOVIJA putinskoho pieriemirija !