«Sustreńciesia, nieadkładna!!!» — napisaŭ prezident ZŠA.
Prezident ZŠA Donald Tramp zajaviŭ, što Ukraina pavinna nieadkładna zhadzicca na prapanovu Rasii — pačać pramyja pieramovy ŭ Turcyi 15 maja.
«Pa mienšaj miery, jany zmohuć vyznačyć, ci mahčymaja ździełka, a kali nie, to jeŭrapiejskija lidary i ZŠA buduć viedać, jakaja situacyja, i zmohuć dziejničać adpaviedna!» — napisaŭ Tramp u svajoj sacsietcy Truth Social.
«Ja pačynaju sumniavacca, što Ukraina pojdzie na ździełku z Pucinym, jaki zaniaty śviatkavańniem pieramohi ŭ Druhoj suśvietnaj vajnie, jakuju było b niemahčyma vyjhrać (navat blizka nie było šancaŭ!) biez Złučanych Štataŭ Amieryki».
«Sustreńciesia, nieadkładna!!!» — napisaŭ prezident ZŠA.
U svaju čarhu Uładzimir Zialenski zajaviŭ, što budzie asabista čakać Pucina ŭ Turcyi.
«My čakajem ad paniadziełka spynieńnia ahniu — poŭnaha i tryvałaha, kab dać nieabchodnuju asnovu dla dypłamatyi. Niama sensu zaciahvać zabojstvy. I ja budu čakać Pucina ŭ čaćvier u Turcyi. Asabista. Spadziajusia, što rasijanie hetym razam nie buduć šukać pryčyny, čamu jany nie mohuć», — havorycca ŭ paviedamleńni prezidenta Ukrainy
U subotu ŭ Kijevie «kaalicyja achvotnych» u składzie lidaraŭ Vialikabrytanii, Francyi, Hiermanii, Polščy i Ukrainy zaklikała da biezumoŭnaha spynieńnia ahniu z 12 maja. Adnak Uładzimir Pucin u načnym zvarocie prapanavaŭ adnavić pieramovy z Ukrainaj u Stambule z 15 maja — biez papiarednich umovaŭ. U Kijevie padkreślivajuć važnaść spynieńnia ahniu da pačatku pieramovaŭ. Prezident Turcyi Redžep Taip Erdahan zajaviŭ, što hatovy arhanizavać mirnyja pieramovy, ale taksama padkreśliŭ nieabchodnaść spynieńnia ahniu.
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska3
Kamientary
Nie treba zhładžvać łapidarnuju razbeščanuju emacyjnaść nacyjanalnaha lidara.
(Svaju zaŭvahu pra styl Trampa nie zdymaju).