«Knižka budzie raspaviadać ab tym, jak ludzi nie zaŭvažajuć słanoŭ, jakija stajać pasiarod pakoja, nie zaŭvažajuć vidavočnyja rečy, jakija adbyvajucca vakoł nas. Jak ludziej rasčałaviečvajuć, jak ludzi vybirajuć kamfort zamiest taho, kab vybirać luboŭ», — raskazaŭ piśmieńnik niekalki tydniaŭ tamu.
«Nasamreč hetaja kniha pra toje, što ludzi bajacca žyć, bajacca zmahacca, bajacca vykazvacca, bajacca być padobnymi da svaich maci, bajacca ŭpaści z kania, bajacca pryznavać vidavočnaje, bajacca parvać z narkamanam, bajacca pakutavać, bajacca trapić u avaryju, bajacca pastavić kosku nie tam, bajacca być čułymi, bajacca arandataraŭ, bajacca mieduz, bajacca śpiavać na vulicy pry minakach i nie apłočvać prajezd, bajacca dychać, bajacca spaźnicca, bajacca pryjści raniej, bajacca sychodzić z drennaj pjesy ŭ siaredzinie śpiektakla, bajacca pamylicca, bajacca ŭkazać na pamyłku, bajacca vieryć, bajacca krytykaŭ i kamientataraŭ, bajacca chadzić na baćkoŭskija schody, bajacca abaraniać svaje miežy, bajacca nie bajacca, bajacca ŭładkavacca na pracu, bajacca stremki, bajacca turbulentnaści, bajacca, što jana nikoli bolš nie patelefanuje, bajacca, pryznacca, što jon usio ž taki toj, chto joj treba, bajacca vajny, bajacca padacca čullivymi, bajacca pierasalić, bajacca havaryć na inšaj movie z pamyłkami, bajacca eskałataraŭ, bajacca, što nie ŭstanie, bajacca budzie niedastatkova ćviordym, što inšy zrobić heta lepš, bajacca być sumlennymi, bajacca pračytać toje, što jon napisaŭ, bajacca bajacca adkładvać drennyja knihi, bajacca prapuścić udar, bajacca sfalšyvić i bajacca pa-sapraŭdnamu kachać», — napisaŭ Saša Filipienka ŭ svaim fejsbuku.
Saša Filipienka — biełaruski piśmieńnik, aŭtar knih «Były syn», «Kremulatar», «Čyrvony kryž», «Viartańnie ŭ astroh» i inšych. Jon rezka krytykuje ŭłady Biełarusi i Rasii. Z 2004 da 2020 hoda žyŭ u Rasii, dzie pracavaŭ u niezaležnych ŚMI.
Uletku 2023 hoda ŭ Vilni była pastaŭlena jaho pjesa «Cichary» pra padziei ŭ Biełarusi ŭ 2030 hodzie. Pa siužecie nastaŭ apakalipsis, ale navat jon nie spyniŭ palityčnych sudoŭ, jakija pravodziać u bunkiery.
U 2023 hodzie baćku Filipienki aryštavali na 13 sutak za repost «Lusterka» (art. 19.11 KaAP). Paźniej piśmieńnik kazaŭ, što jaho baćka chodzić na dopyty, dzie jaho raspytvajuć pra syna.
Ciapier čytajuć
Siarhiej Cichanoŭski pierabraŭsia žyć u Łos-Andželes38
Kamientary