Kreml paviedamiŭ pra pieradadzienyja Pucinym śpiecpasłańniku Trampa sihnały
Śpiecpasłańnik prezidenta ZŠA Styŭ Uitkaf napiaredadni, 13 sakavika, sustreŭsia z rasijskim lidaram Uładzimiram Pucinym, paviedamiŭ Dźmitryj Piaskoŭ, piša RBK.
Pavodle słoŭ Piaskova, Pucin pryniaŭ Uitkafa ŭ Kramli pozna ŭviečary. Pradstaŭnik Vašynhtona pieradaŭ «dadatkovuju infarmacyju» rasijskamu boku, a Pucin, u svaju čarhu, pieradaŭ praz Uitkafa «dadatkovyja sihnały» dla prezidenta ZŠA Donalda Trampa, raspavioŭ jon.
Piaskoŭ taksama prakamientavaŭ słovy daradcy Trampa pa nacyjanalnaj biaśpiecy Majka Uołca ab tym, što pierśpiektyvy ŭrehulavańnia kanfliktu va Ukrainie možna ŭsprymać z «aściarožnym aptymizmam».
«Biezumoŭna, jość padstavy adčuvać aściarožny aptymizm», — skazaŭ pres-sakratar rasijskaha prezidenta, adznačyŭšy, što jašče «šmat čaho treba zrabić».
Pra zapłanavanuju sustreču Uitkafa z Pucinym paśla pieramoŭ delehacyj ZŠA i Ukrainy ŭ Džydzie paviedamlaŭ Bloomberg. U Kramli abiacali «svoječasova prainfarmavać», kali ich sustreča adbudziecca. «Iźviestija» paviedamili, što Uitkaf pabyvaŭ u Maskvie ŭ budynku amierykanskaha pasolstva, pravioŭ tam kala hadziny i pramoviŭ padziakavalnuju pramovu na anhlijskaj movie.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?8
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary