Čynoŭnica Homielskaha abłvykankama ŭ razmovie z błohieram pryznałasia ŭ palityčnych čystkach
Viadomy błohier-prankier Andrej Pavuk razhavaryŭ namieśnicu načalnika Hałoŭnaha ŭpraŭleńnia kultury Homielskaha abłvykankama Anastasiju Łysienku. Jana nie paznała błohiera i raskazała jamu pra palityčnyja čystki ŭ svajoj halinie, piša «Fłahštok».
Błohier zadaŭ pytańnie čynoŭnicy, pryvioŭšy słovy Łukašenki pra toje, što «vorahi dziaržavy siadziać da pary da času pad vienikam»:
«U vašaj struktury takich dastatkova. Bolš, čym dzie-niebudź. Hetaha być nie pavinna», — skazaŭ Łukašenka ministru kultury.
— Jość u vas takija, jak u vas z čystkami? — spytaŭ Pavuk.
— Tak. Hetyja fakty byli, i 2020-ty hod, na žal ci na ščaście, napeŭna, pakazaŭ toje, što ŭ lubych halinach našaj ekanomiki, u tym liku i ŭ sacyjalnaj śfiery, takija fakty byli. Jany byli, i my ličym, što vidavočnyja pradstaŭniki, jakija nie padtrymlivajuć dziaržaŭnuju ŭładu, jaje budovu i hetak dalej, nie majuć prava pracavać u dziaržaŭnych biudžetnych arhanizacyjach, — adkazała Łysienka.
Jana dadała, što, «na žal, u našaj halinie byli takija pradstaŭniki — heta nie jość dobra»:
«Stalicu heta zakranuła bolš, zachodnija rehijony — jašče bolš. A my niejak adreahavali na heta spakajniej. Adnak fakty byli, i my ich viedajem».
U svaim videa błohier nahadaŭ, što ŭ artykule 14 Pracoŭnaha kodeksa Biełarusi havorycca pra toje, što abmiežavańnie ŭ pracoŭnych pravach u zaležnaści ad palityčnych pierakanańniaŭ źjaŭlajecca dyskryminacyjaj.
«Vźviejtieś kostrami» ŭ inšaj formie viarnułasia ŭ škoły». Što ciapier adbyvajecca ŭ biełaruskaj adukacyi?
Što čuvać u RTBD paśla čystak repiertuaru i zvalnieńnia najbolš zornych akcioraŭ?
«Nichto z kiraŭnictva ź im nie spračajecca». Jakija byłyja siłaviki absieli kiraŭničyja pasady bujnych biełaruskich pradpryjemstvaŭ
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary
Niadaŭna była kulturščyca, jakaja kulturu zaličała da ekanomiki. Ciapier i sacyjalnaja śfiera ŭ nas ekanomika. Dyskurs raspaŭzajecca.
Usio, što kałchoznamu režymu nie prynosić babosikaŭ, usio nie patrebna.
[Zredahavana]