Urad zapeŭnivaje, što za dva hady Biełaruś amal całkam zabiaśpiečyć siabie pamidorami
Miarkujecca, što da 2027 hoda Biełaruś zabiaśpiečyć ułasny rynak ajčynnymi tamatami na 86%, paviedamlaje BiełTA.
Namieśnik ministra sielskaj haspadarki i charčavańnia Uładzimir Hrakun adznačyŭ, što ciapličnyja haspadarki ciapier madernizujucca, kab źmienšyć zaležnaść ad impartu.
Užo ŭ 2023 hodzie kraina na 100% zabiaśpiečyła siabie ahurkami, a vytvorčaść tamataŭ pieravysiła zapłanavany ŭzrovień. Da 2027 hoda płanujecca madernizavać i pašyryć ciaplicy, što dazvolić pavialičyć uradžajnaść.
«U pieryjad da 2027 hoda zastajecca madernizavać 9 hiektaraŭ pad padśviatleńniem i pabudavać 12,3 hiektara novych ciaplic, — paviedamiŭ Uładzimir Hrakun. — Usie jany buduć vykarystoŭvacca dla vyroščvańnia tamataŭ. U vyniku da 2027 hoda my całkam zabiaśpiečym siabie ahurkami (što ŭžo dasiahnuta) i na 86% — tamatami. Taksama vyroščvajem pierac, bakłažany, zielaninu, kłubnicy i kvietki».
Vyroščvańnie harodniny ŭ mižsiezońnie z vykarystańniem padśviatleńnia źjaŭlajecca, maŭlaŭ, darahoj, ale rentabielnaj technałohijaj, a dziaržava padtrymlivaje sielhaspradpryjemstvy, źnižajučy dla ich košt elektraenierhii i hazu.
«Dziaržaŭnyja prefierencyi dajuć mahčymaść hetym pradpryjemstvam pracavać z prybytkam, — udakładniŭ Hrakun. — Pa vynikach 2024 hoda niama nivodnaha pradpryjemstva z admoŭnaj rentabielnaściu pa vytvorčaści harodniny (jana składaje 5—6%). Dziakujučy dziaržaŭnaj padtrymcy košt elektraenierhii dla ciaplic nižejšy na 23%, a hazu — na 30%. Takija zachady dazvalajuć zabiaśpiečyć nasielnictva svajoj pradukcyjaj u mižsiezońnie».
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu2
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary