Biełaruskaha palityka i palitviaźnia Mikałaja Statkieviča naminavaŭ na Nobieleŭskuju premiju miru litoŭski palityk, deputat Jeŭrapiejskaha parłamienta Piatras Aŭštravičus.
«Deputat Jeŭrapiejskaha parłamienta Piatras Aŭštravičus zarehistravaŭ lidara biełaruskaj apazicyi Mikałaja Statkieviča kandydatam na prysvajeńnie Nobieleŭskaj premii miru. Šalonaja praca ŭ aŭralnym paradku pa zbory materyjałaŭ była praviedziena kamandaj «Narodnaj Hramady». I my paśpieli da zakančeńnia terminu pryjomu zajavak», — napisali paplečniki palitviaźnia.
Lidar «Narodnaj hramady» Mikałaj Statkievič asudžany da 14 hadoŭ kałonii asablivaha režymu nibyta za «arhanizacyju masavych biesparadkaŭ».
Jon adbyvaje pakarańnie ŭ Hłybockaj kałonii. Amal dva hady jaho trymajuć u režymie inkamunikada — biez suviazi z rodnymi i źniešnim śvietam.
U 2022 hodzie łaŭreatam Nobieleŭskaj premii miru byŭ pryznany biełaruski pravaabaronca i taksama palitviazień Aleś Bialacki. 3 sakavika 2023 hoda sud pryznačyŭ jamu 10 hadoŭ kałonii va ŭmovach uzmocnienaha režymu.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?2
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju2828
Kamientary
Tolki dzie i ŭ jakim stanie sam Mikoła Statkievič? Užo ž bolš hoda, jak Natalla Radzina publična patrabavała jaho pakazać. Režym adkazaŭ maŭčańniem. Darečy, mahčyma, što i samu schiemu, kali ŭźnikła "inkumanikada", to prydumali, kab zamaŭčać Statkieviča.