Biełaruska-anlifanščyca, asudžanaja ŭ Polščy za špijanaž, nie pryjšła adbyvać pakarańnie i nie zapłaciła štraf
Asudžanaja nie źjaviłasia dla adbyvańnia pakarańnia i nie zrabiła ŭ naležny čas płaciož u 15,5 tysiač złotych (3850 dalaraŭ). Dzie jana moža być ciapier, nie paviedamlajuć.
Biełaruska Darju A., jakuju asudzili za špijanaž, nie źjaviłasia dla adbyvańnia pakarańnia, paviedamiła «Biełsatu» kiraŭnica Biuro absłuhoŭvańnia zacikaŭlenych bakoŭ Akruhovaha suda Varšavy-Prahi Katažyna Brohašč. Darju A. abviaścili ŭ vyšuk.
Taksama Darja A. nie spłaciła 15 546 złotych (kala 3850 dołaraŭ) u jakaści kampiensacyi atrymanaha złačynnym šlacham. Na spłatu joj davali 30 dzion. Kali termin vyjšaŭ, było vyniesienaje rasparadžeńnie ab pieradačy spravy ŭ adpaviedny padatkovy orhan dla inicyjavańnia vykanalnaha viadzieńnia.
Darju A. zatrymali ŭ Łodzi ŭ śniežni 2023 hoda, zapadozryŭšy ŭ pracy na Kamitet dziaržaŭnaj biaśpieki Biełarusi. Biełaruskija miedyi vyśvietlili, što heta byłaja aktyvistka «Havary praŭdu» z Baranavičaŭ i kolišniaja davieranaja asoba kandydata ŭ prezidenty Andreja Dźmitryjeva. Vieterynarka z adukacyi, jana padpracoŭvała madellu na sajcie dla darosłych «OnlyFans». Śćviardžałasia, što ŭ smartfonie žančyny byli znojdzienyja dokazy jejnaj supracy ź biełaruskim Kamitetam dziaržaŭnaj biaśpieki jašče z 2017 hoda.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra18
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary