U padjeździe viciebskaj šmatpaviarchoŭki na ludziej kidajucca pacuki
Miascovaje ŽEU śćviardžaje, što deratyzacyja ŭ hetym domie ŭžo praviedzienaja. Adnak miascovyja žychary nie bačać vynikaŭ i bajacca zachodzić u padjezd, dzie mohuć napatkać pacukoŭ, piša «Viciebskaja viasna».
Pra vypadak, kali pacuk u adnym z padjezdaŭ doma na Smalenskaj vulicy napałochaŭ dzicia, napisali padpisčyki pablika «Nitipičnyj Vitiebsk» u «VKontaktie».
Jany paviedamili, što ŭ kamunalnuju słužbu 115.bieł padavali zajaŭki na deratyzacyju ŭžo 4 razy. I štoraz ŽEU №9 paviedamlaje zajaŭnikam, što miery pa źniščeńni pacukoŭ i myšej užo pryniatyja.
Nie dačakaŭšysia dapamohi ad adkaznych słužbaŭ, žychary doma źviarnulisia da staršyni harvykankama Alaksieja Hierojeva.
«U padvale doma №5 korpus 1 pa Smalenskaj vulicy praciahvajecca našeście pacukoŭ, jakija stvarajuć pahrozy dla biaśpieki i zdaroŭja ludziej. Admysłovuju tryvohu vyklikaje toj fakt, što ŭ 4-m padjeździe nieadnarazova fiksavalisia vypadki napadu pacukoŭ na miascovych žycharoŭ. Apošni incydent byŭ źviazany ź piarepałacham dziciaci, što vyklikała surjozny stres. Ciapier jano baicca zachodzić u padjezd, i darosłyja žychary ŭvieś čas adčuvajuć niebiaśpieku».
Zajaŭniki padkreślivajuć, što sumniajucca ŭ jakaści vykananych rabot i efiektyŭnaści pryniatych mier. Tamu prosiać, kab na ŭzroŭni harvykankama była praviedziena pravierka dziejnaści ŽEU № 9, kab było arhanizavana paŭtornaje prafiesijnaje źniščeńnie hryzunoŭ, a sanitarny stan dzieviacipaviarchovaha doma byŭ pastaŭleny na asobny kantrol — kab «adnavić biaśpieku i spakoj» miascovych žycharoŭ.
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami4
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary