Dziaržkamvajenpram Biełarusi paviedamiŭ pra paśpiachovaje praviadzieńnie zaviaršalnaha etapu vyprabavańniaŭ biełaruskaj zienitnaj kiravanaj rakiety dla kompleksa «Buk-MB2».
Paviedamlajecca, što
«Siońnia na terytoryi avijacyjnaha palihona sumiesna ź Ministerstvam abarony Respubliki Biełaruś paśpiachova adbylisia vyprabavańni pieršaj ajčynnaj zienitnaj kiravanaj rakiety, raspracavanaj Dziaržkamvajenpramam», — zajaŭlajecca ŭ paviedamleńni.
Bajavaja stralba, pavodle śćviardžeńnia viedamstva, stała zaviaršalnym etapam u raspracoŭcy biełaruskaha ZRK «Buk-MB2», jaki pryniaty na ŭzbrajeńnie, z ajčynnaj kiravanaj rakietaj 9M318. Hetaja rakieta nibyta pavialičvaje zonu paražeńnia ZRK «Buk-MB2» da 70 kiłamietraŭ.
Raspracavanaja rakieta pryznačanaja dla paražeńnia chutkasnych manieŭranych aeradynamičnych celaŭ, taktyčnych balistyčnych, kryłatych, avijacyjnych i supraćkarabielnych rakiet i viertalotaŭ (uklučajučy tyja,: jakija znachodziacca ŭ režymie zavisańnia) va ŭmovach intensiŭnaha radyjoelektronnaha procidziejańnia, a taksama nadvodnych i radyjokantrasnych naziemnych celaŭ.
Asablivaść ZUR 9M318 — najaŭnaść aktyŭnaj hałoŭki samanaviadzieńnia, jakaja dazvalaje paražać celi, u tym liku ź nizkaj adbivalnaj pavierchniaj, z bolšaj vierahodnaściu, a taksama vyzvalać celevy kanał ZRK, nie čakajučy paražeńnia celi.
Łukašenka admaŭlaje, što Biełaruś akupavanaja Rasijaj
U zachodnich abłaściach Ukrainy čakajuć bolš pavietranych tryvoh z-za vučeńniaŭ u Biełarusi
Łukašenka praciahvaje havaryć pra «Arešnik»: Celi vyznačać budziem my ŭ Biełarusi, nie rasijanie
U Hienštabie prakamientavali rašeńnie ab raźmiaščeńni ŭ Biełarusi «Arešnika»
«Arešnik» dla Biełarusi. Kudy Łukašenka ŭciahvaje krainu
Kamientary