Siarhiej Čały ŭpeŭnieny, što hetamu jość łahičnaje tłumačeńnie.
U novym vypusku «Navin z Čałym» analityk źviarnuŭ uvahu na vyniki sacyjałahičnaha apytańnia, jakija prezientavali praŭładnyja sacyjołahi JesooM u Biełarusi. Adpaviedna jamu, 80,4% biełarusaŭ adkazali, što daviarajuć Łukašenku.
Analityk źviartaje ŭvahu, što hetaja ličba amal supadaje ź ličbaj hałasoŭ, jakija, pa mierkavańni samoha Łukašenki byli addadzieny za jaho padčas apošnich vybaraŭ.
«Ja navat pryznaŭsia, što… nu ładna, tam, 82 ci kolki było pracentaŭ [aficyjna]. U hubiernataraŭ — i ŭ vas [u Rasii], i ŭ nas jość takoje spabornictva. Homielskaja vobłaść tam — 79%. Nu ja tut budu ŭsio rabić, kab było 79,5%. 80%? Nu, 80 i dźvie dziasiatyja. Ale nichto nie asprečvaje pieramohu», — havaryŭ Łukašenka ŭ 2020-m.
Akramia hetaha ličbu ŭ 80% Łukašenka ahučvaŭ u červieni minułaha hoda na sustrečy sa staršynioj CVK Karpienkam:
«Kala 80% adnaznačna siońnia padtrymlivajuć toj kurs, jaki my vyznačyli. Nu, za 20%, jakija vahajucca i jakija suprać, my jašče pazmahajemsia».
U lutym hetaha hoda Łukašenka zajaŭlaŭ: «My, zychodziačy z užo majho vopytu, sprabujem praanalizavać chod hetaj kampanii i bačym, što siońniašniuju ŭładu padtrymlivaje bolš za 87% nasielnictva. Adnaznačna padtrymlivajuć».
Čały ž miarkuje, što ŭzrovień padtrymki Łukašenki z 2020-ha nie źmianiŭsia — tamu i represii pierad vybarami ŭzmacnilisia.
U 2020 hodzie, zhodna z tym apytańniem Instytuta sacyjałohii Nacyjanalnaj Akademii navuk, uzrovień davieru Łukašenku ŭ Minsku składaŭ 24%. Tahačasny dyrektar Instytuta sacyjałohii NAN Hienadź Koršunaŭ paćvierdziŭ praŭdzivaść ličbaŭ.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
žienich ik..anamist
bolšie takich nie choču )