«Akunańnie ŭ ajčynnyja karani». Biełarusam zamiest turaŭ pa Jeŭrasajuzie prapanujuć pajezdki ŭ Smalensk, Pskoŭ i Kałuhu
Novyja aŭtobusnyja tury pa rehijonach Biełarusi i Rasii źbirajucca zapuścić u krasaviku 2025 hoda.
Turystyčnyja kampanii Biełarusi i Rasii źbirajucca stvaryć alternatyvu papularnym u biełarusaŭ aŭtobusnym turam pa krainach Jeŭrasajuza.
U novy prajekt uvajšli 11 rehijonaŭ Biełarusi i Rasii — Nižaharodskaja, Uładzimirskaja, Maskoŭskaja, Smalenskaja, Ćviarskaja, Pskoŭskaja, Kałužskaja i Noŭharadskaja vobłaści Rasii, a taksama Minskaja, Mahiloŭskaja, Viciebskaja vobłaści Biełarusi.
Staršynia praŭleńnia Respublikanskaha sajuza turystyčnaj industryi Filip Huły ličyć, što taki «pradukt», jak aŭtobusnyja tury, «adpaviadaje kultury spažyvańnia dźviuch krain», piša Sputnik.
«My prymianiajem anałahi aŭtobusnych turaŭ pa Jeŭropie, taki pradukt adpaviadaje turystyčnaj kultury spažyvańnia našych krain. A ŭ doŭhaterminovaj pierśpiektyvie – i trecich krain», — ličyć Huły.
Pry hetym jon pryznaje, što kamiercyjny patencyjał takich turaŭ nie zanadta vysoki — padobny pradukt zdolny sabrać turystaŭ «tolki na dziasiatak-paŭtara aŭtobusaŭ u hod». Adnak Huły bačyć pieravahu ŭ «kaskadnym pryncypie» — heta značyć, što turysty mohuć pačać i skončyć tur u luboj pažadanaj kropcy.
Huły ličyć, što 11 rehijonaŭ, pra jakija idzie havorka ŭ prajekcie, «źviazanyja paśladoŭnaj historyjaj, mifałohijaj, etnasam i kulturaj». Padarožža jon nazyvaje «akunańniem u sieryjał ułasnych, ajčynnych karanioŭ, jakija raskryvajuć sens i značeńnie našaha sajuza, jaho asnoŭ».
«Nižni Noŭharad, Uładzimir, Kałuha, Smalensk, Mahiloŭ, Minsk, Połack, Viciebsk, Pskoŭ, Vialiki Noŭharad, Taržok, Ćvier — turysty zmohuć dałučycca na roznych etapach maršrutu na peŭnuju kolkaść dzion, kambinujučy harady, rehijony i łahistyku», — adznačyŭ jon.
Da realizacyi prajektu źbirajucca pryciahvać čynoŭnikaŭ i inviestaraŭ.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
Biełarusy - paúbałty, tamu da naščadkaú baškira-tataraú adnosin nie majuć!