Hety brend byŭ nadzvyčaj papularny ŭ 1920—1940-ch hadach i byŭ dastupny niešmatlikim bahatym, paśpiachovym i znakamitym ludziam.
U Niderłandach adradžajuć stvorany ŭ XX stahodździ biełarusam Jakavam Saŭčykam aŭtamabilny brend kuzavabudavańnia Saoutchik, jaki byŭ papularny ŭ 1920—1940-ch hadach, piša vydańnie «Biełaruś i śviet».
Jak skazana na sajcie kampanii Saoutchik BV sa štab-kvateraj u horadzie Chipaliciuschuf u pravincyi Paŭnočnaja Hałandyja, jaje partniorami 18 žniŭnia 2016 hoda nabyty ekskluziŭnyja pravy na handlovuju marku Saoutchik.
Asnoŭnaja misija novaha atelje — adradzić i ŭmacavać usprymańnie brenda, viarnuŭšy jaho ŭ siońniašni dzień z dapamohaj vytvorčaści raskošnych aŭtamabilaŭ, napoŭnienych histaryčnaj nastalhijaj i emocyjami.
Kampanija zabiaśpiečyć poŭny cykł stvareńnia ekskluziŭnych aŭto pa indyvidualnych zakazach i abmiežavanymi sieryjami: ad eskiznaha prajekta kuzava da ŭłasna jaho ŭstanoŭki i kamplektavańnia na šasi-donary.
Jak tłumačać u novym atelje, mašyny «buduć nahadvać anałahičnyja aŭtamabili abmiežavanaj zborki 1920—1950-ch hadoŭ, jakija byli dastupnyja vielmi niešmatlikim bahatym, paśpiachovym i znakamitym».
Pieršy prajekt — rodstar
Piłotnym prajektam kampanii stanie Saoutchik 300gtc Roadster. U apisańni skazana, što heta «šedeŭr ručnoj pracy», jaki ŭvasablaje ŭ sabie «styl, technałohii i inžyniernuju daskanałaść, i jaki zachoŭvaje ŭvieś duch kultavaha Mercedes 300 SL».
Kamanda dyzajnieraŭ i inžynieraŭ studyi Ugur Sahin Design, natchnionaja kłasičnym aŭtamabilem Mercedes-Benz, «skrupulozna pracavała nad pieraasensavańniem kancepcyi i stvareńniem novaha ŭzoru sučasnaha dyzajnu».
Na ručnuju zborku mašyny pajšło bolš za 4 tysiačy hadzin pracy majstroŭ-ramieśnikaŭ i technikaŭ. Kuzaŭnyja paneli sa stoadsotkavaha vuhlarodnaha vałakna buduć vyrableny pradpryjemstvam Pogea Racing.
U spałučeńni z 5-vosievaj apracoŭkaj mietału ad Saoutchik na stankach ź ličbavym prahramnym kiravańniem heta dazvolić dasiahnuć «dakładnaści, jakaja supierničaje ź lubymi sieryjnymi aŭto».
Abmiežavanaja sieryja ŭ 15 mašyn nacelena na kalekcyjanieraŭ. Pierad zborkaj kožnaha aŭtamabila budučy ŭładalnik kansultuje kamandu dyzajnieraŭ, kab atrymać unikalnaje tvareńnie, padychodnaje jamu i jaho ładu žyćcia.
Chto taki Jakaŭ Saŭčyk
Jakaŭ Saŭčyk, abo, kali čytać pa-francuzsku, Žak Saŭčyk, naradziŭsia ŭ 1880 hodzie ŭ Kojdanavie (ciapier heta Dziaržynsk u Minskaj vobłaści). Sapraŭdnaje ž jaho imia było Jakaŭ Saŭčuk.
Biełarus emihravaŭ ź siamjoj u Francyju kala 1899 hoda, dzie trochi i źmianiŭ proźvišča dla bolšaj miłahučnaści. Budučy čyrvanadreŭščykam, jon zaniaŭsia novym biznesam — rableńniem na zakaz kuzavaŭ dla «lehkavikoŭ».
U toj pieryjad aŭtamabilnyja kampanii rabili tolki šasi, a kuzaŭ pakupnik zvyčajna zakazvaŭ adnamu z šmatlikich kuzaŭščykaŭ. Choć pastupova pačynała raźvivacca i kanviejernaja vytvorčaść mašyn «pad kluč».
U 1906 hodzie Saŭčyk adkryŭ majsterniu ŭ Nioi-siur-Sien — pryharadzie Paryža. I, dziakujučy vysokaj jakaści i ekstravahantnamu stylu, damohsia papularnaści ŭ bahatych klijentaŭ, zrabiŭšy firmu adnoj ź viadučych.
Jaho kuzavy, azdoblenyja bliskučymi dekaratyŭnymi detalami, stavilisia na šasi prestyžnych marak — Bugatti, Delahaye, Pegaso, Bucciali, Isotta Fraschini, Hispano-Suiza, Duesenberg… ale paśla Druhoj suśvietnaj popyt upaŭ, i ŭ 1955 hodzie majsternia začyniłasia.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary