US Open u razhar čempijanatu prybraŭ biełaruski ściah sa staronki Aryny Sabalenki
Niahledziačy na zabaronu dziaržaŭnaj simvoliki Biełarusi i Rasii na turnirach Vialikaha šlema, va ŭnutranaj sistemie čempijanatu US Open znoŭ źjavilisia ściahi dvuch krain. Na heta źviarnuŭ uvahu tabłoid Bild.
Kiraŭnictva US Open prybrała ściahi Rasii i Biełarusi paśla skarhi žurnalista Bild, jaki zaŭvažyŭ ich va ŭnutranaj sistemie Asacyjacyi tenisa ZŠA (USTA).
Na hetym tydni ŭ Ńju-Jorku startavaŭ čarhovy adkryty čempijanat ZŠA pa tenisie US Open — adzin z čatyroch turniraŭ Vialikaha šlema. Paśla 24 lutaha 2022 hoda tam admovilisia ad dziaržaŭnaj simvoliki Rasii i Biełarusi. Ale ciapier biełaruski ściah znoŭ źjaviŭsia na staroncy Aryny Sabalenki, a rasijski trykałor — na staronkach Daniiła Miadźviedzieva i Andreja Rublova. Ściahi taksama stali dastupny ŭ sistemie ŭ pošuku pa słovach «Rasija» abo «Biełaruś».
Na heta źviarnuŭ uvahu adzin z karespandentaŭ niamieckaha tabłoida Bild, jaki potym źviarnuŭsia z zapytam u USTA. Asacyjacyja nieadkładna vydaliła dziaržsimvoliku Biełarusi i Rasii z unutranaj sistemy i patłumačyła kazus «pamyłkaj supracoŭnika, jaki zahruziŭ u sistemu sastareły fajł».
Usiaho ŭ adzinočnym razradzie ciapierašniaha turniru US Open hulajuć try biełarusy i 17 rasijan.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek3
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary
Biełaruski - heta bieł-čyrvona-bieły ściah, pad jakim biełarusy 100 hadoŭ išli da svajoj krainy. A čyrvona-zialony - antybiełaruski, pad jakim biełarusaŭ katujuć i pad jakim krainu Biełaruś znoŭ ciahnuć u rasiju.
Zaŭždy tryhieryć, kali miedyi, mahčyma, sami taho nie razumiejučy, prasoŭvajuć jabaćkaŭskija naratyvy praz vyrazy "biełaruskija siłaviki", "biełaruski ściah", "biełaruskija ŭłady" i h.d., datyčna ŭsiaho antybiełaruskaha. Nu možna ž chacia b pisać "ułady Biełarusi", "ściah dziaržaparatu Biełarusi".