«Ja nie Miesi — ja lepšy za jaho». Madrydski «Reał» padpisaŭ 12-hadovaha biełaruskaha futbalista
Alaksiej Majoraŭ budzie raźvivacca ŭ akademii adnaho z samych viadomych futbolnych kłubaŭ śvietu.
Biełaruski vunderkind Alaksiej Majoraŭ padpisaŭ kantrakt z akademijaj madrydskaha «Reała».
Videa padpisańnia kantraktu Majoraŭ apublikavaŭ u instahramie z podpisam «Moj novy kłub».
12-hadovy futbalist staŭ pieršym biełarusam, jakomu ŭdałosia trapić u sistemu adnaho z samych viadomych kłubaŭ śvietu. Krynicy kažuć, što kantrakt Majorava — ci ledź nie rekordny dla jaho ŭzrostu.
Alaksiej — unuk viadomaha ŭ minułym futbalista minskaha «Dynama» Alaksandra Kiścienia.
U svaje 12 hadoŭ jon užo paśpieŭ pavandravać: spačatku pajšoŭ u škołu minskaha «Dynama», potym zajmaŭsia ŭ «Minsku», zatym byŭ karotki, ale jarki rasijski pieryjad u sistemie maskoŭskaha «Spartaka» ź siamiu zabitymi hałami ŭ dvuch matčach.
A ŭpieršyniu vunderkind zajaviŭ pra siabie jašče piać hadoŭ tamu, kali na adkryćci fan-zony čempijanatu śvietu ŭ Minsku zmoh nabić miač 12 tysiač razoŭ .
Nieŭzabavie siamja vyrašyła vybrać dla junaha futbalista jeŭrapiejski viektar – i pierajechała ŭ Ispaniju. Tam Alaksiej pahulaŭ u sistemach «Espańjoła» i «Sierdańjoły», dzie hulca zaŭvažyli skaŭty «Barsiełony» i «Reała». U vyniku juny biełarus apynuŭsia ŭ «Karaleŭskim kłubie». Paviedamlałasia, što «Reał» hatovy vykłaści za 12-hadovaha futbalista 120 tysiač jeŭra.
Sam Alaksiej — chłopiec vielmi ambicyjny. Paśla adnaho z paśpiachovych matčaŭ u Ispanii da biełarusa padyšoŭ žurnalist statusnaj haziety «El Munda Departyva» i zrabiŭ jamu kamplimient: «Słuchaj, ty prosta jak Miesi!» Na što Majoraŭ adkazaŭ: «Ja nie Miesi, ja lepšy za jaho».
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy28
Kamientary
Chacia zvyčajna takija i razdajuć naleva i naprava svaje parady pra piśmiennaść, niezaležna ad movy vykazvanńnia.