Biełarusaŭ paprasili nie sihnalić, kali pabačyš łasia na darozie
Minlashas adreahavaŭ na śmiarotnaje DTZ z udziełam łasia ŭ Vałožynskim rajonie i patłumačyŭ, čamu biełarusy sustrakajuć dzikich žyvioł na darohach usio čaściej.
Apošnim časam vypadki źjaŭleńniaŭ dzikich žyvioł na darohach Biełarusi pačaścilisia. Čaściej za inšych na prajeznaj častcy zaŭvažajuć łasioŭ. Niaredka heta pryvodzić da trahiedyj — u avaryjach hinuć i ludzi, i žyvioły.
Pavodle słoŭ śpiecyjalistaŭ Minlashasa, u łasioŭ jość asablivaść psicha-fizijałahičnych pavodzin — jany vielmi pavolna reahujuć na pahrozu, u tym liku na transpart. Hetym i tłumačacca sutyknieńni.
«Zaraz u łasioŭ nabližajecca pieryjad razmnažeńnia (z kanca žniŭnia da pačatku kastryčnika), što pryvodzić da pavieličeńnia ruchalnaj aktyŭnaści hetych žyvioł. Žyvioły ŭ pošukach partniora mohuć pieramiaščacca na vialikija adlehłaści.
Pry hetym łasi mohuć źjaŭlacca zusim u niečakanych dla ich miescach: u palach, pablizu nasielenych punktaŭ. Usie hetyja abstaviny pavialičvajuć vierahodnaść sustrečy z łasiom i na aŭtamabilnaj darozie», — raspaviali ŭ Ministerstvie.
Kiroŭcam varta być uvažlivymi, asabliva ŭ načny čas i ŭ pryciemkach, pravilna vybirać chutkaść ruchu transpartu, a na niebiaśpiečnych učastkach značna jaje źnižać.
Kali kiroŭca ŭbačyŭ łasia pablizu aŭtadarohi rekamiendujecca źnizić chutkaść da minimalnaj.
Nie rekamiendujecca padavać hukavy sihnał, kali zaŭvažyli łasia. Hetym možna spravakavać paničnyja pavodziny ŭ žyvioły, što ŭ svaju čarhu moža pryvieści da ryzyki sutyknieńnia z aŭtamabilem.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»37
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary