Piarcoŭ raskazaŭ, kolki sajtaŭ zabłakavali ŭ Biełarusi ŭ 2023 hodzie. Ličba ŭražvaje
Namieśnik kiraŭnika Administracyi ličyć heta pazityŭnym pracesam.
Namieśnik kiraŭnika administracyi Łukašenki, a ŭ minułym ministr infarmacyi Uładzimir Piarcoŭ na sustrečy ź ideołahami Minskaj vobłaści raskazaŭ pra błakiroŭku resursaŭ u Biełarusi.
Čynoŭnik nazvaŭ dośvied błakirovak pazityŭnym, piša BiełTA.
«Ź plusaŭ vy bačycie pracu, jakaja apošnim časam praviedziena dziaržaŭnymi orhanami našaj krainy. Tolki za minuły hod Ministerstva infarmacyi abmiežavała dostup da 3388 destruktyŭnych resursaŭ. Mnohija ź ich — heta lusterki destruktyŭnych resursaŭ», — adznačyŭ Piercoŭ.
Siarod zabłakavanych resursaŭ — narkašopy i pornasajty. Ale asobna čynoŭnik spyniŭsia na niezaležnych ŚMI i błohierach.
«Heta i prapahandysckija destruktyŭnyja ekstremisckija resursy, i šmatlikija prajavy ŭ internecie miedyjapadobnych, tak zvanych, aŭtaraŭ, jakija mimikrujuć pad žurnalistyku, i vykonvajuć svaju funkcyju ŭździejańnia na niavyznačanyja, łajalnyja abo što dumajuć inakš koły našaj aŭdytoryi», — zajaviŭ Piercoŭ.
Na dumku čynoŭnika, aficyjnamu Minsku supraćstajać «technałahičnyja hihanty ź niedružalubnych dziaržaŭ, jakija kirujucca karparacyjami i ludźmi, jakija majuć hłabalnyja, u tym liku hieapalityčnyja i ekanamičnyja mety ŭ dačynieńni da kalektyŭnaha Uschodu».
-
Pamiatajecie minčuka, jaki razam z maci prapuściŭ cieła zabitaj dziaŭčyny praź miasarubku? Dziadok kaža, što jon u turmie zvarjacieŭ
-
«U kaho bolšaja łodka, toj i maje racyju». Kuchar ź Biełarusi arhanizuje tury na jachtach i katamaranach pa ŭsim śviecie
-
Na miažy z Polščaj sabrałasia čarha z 1700 hruzavikoŭ
Ciapier čytajuć
Žonka Statkieviča raskazała, pra što paśpieła parazmaŭlać ź im13
Kamientary