Učora ŭviečary adzin ź bieśpiłotnych latalnych aparataŭ (dron-kamikadze typu «šachied»), zapuščany RF padčas čarhovaj ataki pa Ukrainie, zalacieŭ u Biełaruś i znachodziŭsia ŭ pavietranaj prastory našaj krainy minimum adnu hadzinu.
Adnym ź pieršych ab zachodzie rasijskaha šachieda ŭ Biełaruś paviedamiŭ kanał Insajder UA u 20:27, u 20:44 hetuju infarmacyju paćvierdziŭ i manitorynhavy kanał monitor.
Viadoma, što BPŁA zajšoŭ u Biełaruś z Čarnihaŭskaj vobłaści Ukrainy ŭ rajonie Łojeva i ŭziaŭ kurs na paŭnočny zachad (u napramku Mazyra). Adnak jość jašče adzin važny aśpiekt, źviartaje ŭvahu «Biełaruski Hajun».
Na momant pastupleńnia pieršaj infarmacyi ab zachodzie BPŁA ŭ Biełaruś nad Homielščynaj užo bolš za hadzinu znachodziŭsia viertalot Mi-24 VPS RB, jaki vylecieŭ u Homielski rajon z aeradroma Mačuliščy ŭ rajonie 19:00, i źniščalnik z Baranavičaŭ, jaki vylecieŭ jašče raniej — kala 18:30.
Pra što heta moža śviedčyć?
Jak minimum pra toje, što siły supraćpavietranaj abarony zafiksavali zachod šachieda ŭ Biełaruś zadoŭha da taho, jak infarmacyja pra heta źjaviłasia ŭ th-kanałach, i sam šachied zajšoŭ raniej — u rajonie 19:00. Bolš za toje, užo na momant pastupleńnia pieršych publičnych paviedamleńniaŭ źniščalnik VPS RB źlacieŭ z Homielskaha rajona, a praź niekatory čas syšoŭ u Mačuliščy i viertalot VPS RB.
Nie vyklučana, što vojski RB byli ŭ kursie budučych manieŭraŭ i kantralavali pavietranuju prastoru nad terytoryjaj Biełarusi na vypadak niapłanavych pavodzinaŭ adnaho z šachiedaŭ.
Pa danych Biełaruskaha Hajuna, maršrut šachieda nad Biełaruśsiu byŭ nastupny: zachod u rajonie Łojeva — ruch na Mazyr — pavarot u rajon Chojnikaŭ — vychad ź Biełarusi ŭ rajonie Paleskaha radyjacyjna-ekałahičnaha zapaviednika.
Ciapier čytajuć
Žonka Statkieviča raskazała, pra što paśpieła parazmaŭlać ź im14
Kamientary