Telefonnyja machlary reanimavali staruju schiemu padmanu. Jak ni dziŭna, jana pracuje
Choć schiema vielmi padobnaja na dobra viadomuju staruju, biełarusy ŭsio roŭna praciahvajuć vieryć, paviedamlaje staličnaja milicyja.
Pra toje, jak afierysty pad vyhladam mabilnaha apieratara telefanujuć patencyjnym achviaram i prapanujuć padoŭžyć dziejańnie sim-karty abo damovy na absłuhoŭvańnie, nie čuŭ chiba što lanivy. Tym nie mienš mietad pracuje. A ciapier złamyśniki vyrašyli krychu źmianić «lehiendu» i pradstaŭlajucca supracoŭnikami banka.
Jany pierakonvajuć surazmoŭcu ŭ tym, što nabližajecca zakančeńnie terminu dziejańnia kartki i jaho treba padoŭžyć prosta zaraz.
Zatym prapanujuć zaklučyć anłajn-damovu z dapamohaj SMS. U vypadku admovy abiacajuć zabłakavać kart-rachunak.
U milicyi patłumačyli, što budzie kali čałaviek pradyktuje takomu «rabotniku» kod z paviedamleńnia. Ułasna, ničoha novaha — złačyniec atrymaje dostup da jaho asabistaha rachunku ŭ mabilnym abo internet-bankinhu. A što dalej — usim dobra viadoma.
16-hadovy chłopiec padpracoŭvaŭ kurjeram telefonnych machlaroŭ i vynies 2,6 miljona rubloŭ
Machlary prymusili piensijanierku ŭziać try kredyty i navat zrabili svajoj pamahataj
Piensijanierka addała kurjeru ŭ mascy 22 tysiačy rubloŭ. Ale jaho zdoleli dahnać
Machlary prydumali novuju schiemu: hrošy patrabujuć za razbłakavańnie telefona
Kamientary