NAU płanuje stvaryć sajt na asnovie danych dziaržkatałoha Muziejnaha fondu
Na asnovie skapijavanych danych Dziaržaŭnaha katałoha Muziejnaha fondu Biełarusi ŭ pierśpiektyvie płanujuć stvaryć sajt ź pieralikam ekspanataŭ, dzie «kožny achvotny zmoža ź imi aznajomicca», paviedamiła vydańniu «Pozirk» pres-sakratarka kiraŭnika Narodnaha antykryzisnaha ŭpraŭleńnia (NAU) Paŭła Łatuški Julija Haračaja. Razam z tym, ź jaje słoŭ, «užo ciapier historyki zmohuć vyvučać hetuju bazu».
Pa słovach Julii Haračaj, najaŭnaść bazy dazvalaje NAU adsočvać «usie muziejnyja pradmiety, jakija na hety momant u fondach usich muziejaŭ Biełarusi, ich stan, u jakim muziei znachodzicca toj ci inšy pradmiet».
«I ciapier nichto nie zmoža źniščyć abo pradać jaki-niebudź pradmiet muziejnaha značeńnia tak, kab my potym pra heta nie daviedalisia, — upeŭnienaja pradstaŭnica palityčnaj struktury. — Heta značyć, my možam nie dapuścić schavanaha vyvazu našych kulturnych kaštoŭnaściaŭ abo, naprykład, źniščeńnia pradmietaŭ, źviazanych z nacyjanalnaj historyjaj. Heta ŭ tym liku i harantyja abarony ad ruskaha śvietu i pierapisvańnia historyi».
Pra toje, što ŭ rasparadžeńni jahonaj kamandy znachodzicca katałoh, jaki ŭtrymlivaje amal 165000 muziejnych pradmietaŭ, kiraŭnik Pavieł Łatuška zajaviŭ 26 maja ŭ admysłovym videazvarocie.
Kamientary