Zatrymanaja litoŭskaja «špijonka» akazałasia supracoŭnicaj sanatoryja «Biełaruś»
Hramadzianka Litvy Alena Ramanaŭskienie, jakuju ŭ Biełarusi abvinavačvajuć u ahienturnaj dziejnaści, źjaŭlajecca ŭradženkaj Biełarusi i supracoŭnicaj sanatoryja «Biełaruś» u Druskienikach, piša litoŭskaje vydańnie 15min.
59-hadovaja Alena Ramanaŭskienie naradziłasia ŭ Minsku, u 1987 hodzie skončyła «Akademiju ekanomiki» (vidać, majecca na ŭvazie ciapierašni Biełaruski dziaržaŭny ekanamičny ŭniviersitet, jaki tady nazyvaŭsia Biełaruskim dziaržaŭnym instytutam narodnaj haspadarki) i paśla taho, vidać, vyjechała ŭ Litvu. Ciapier žančyna raźviedzienaja.
U minułym hodzie jana była kandydatam na vybarach u haradskuju radu Druskienikaŭ ad kamiteta «Za Druskieniki», ale abranaja nie była. Ułasna kažučy, z ankiety, apublikavanaj tady litoŭskaj CVK, i stali viadomyja jaje asnoŭnyja bijahrafičnyja źviestki.
Što da prafiesijnaj dziejnaści, to žančyna pracavała zahadčycaj adździeła markietynhu ŭ sanatoryi «Biełaruś» u Druskienikach, a taksama ŭznačalvała nievialikuju kampaniju Inovatyvūs plėtros projektai («Prajekty inavacyjnaha raźvićcia»), jakaja zajmajecca rekłamnaj dziejnaściu.
Zatrymać Ramanaŭskienie mahli letaś, kali jana viartałasia ŭ Litvu ź Biełarusi, dzie naviedvała rodnych. Svajaki žančyny ad kamientaroŭ litoŭskamu vydańniu admovilisia.
Alenu Ramanaŭskienie pačnuć sudzić u Minskim haradskim sudzie 3 červienia, jana abvinavačvajecca ŭ ahienturnaj dziejnaści. Sud budzie zakrytym.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?14
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary