Jabaćka pasprabavała patrolić biełarusa ź Ńju-Jorka. Ale sama sieła ŭ łužynu
Davoli časta ŭ tyktok-akaŭnty biełarusaŭ, jakija žyvuć na Zachadzie, prychodziać ci to boty, ci to ščyryja prychilniki režymu, kab vyśmiejać emihrancki byt. Ale sproby pierakanać, što ŭ Biełarusi ŭsio lepš, byvajuć kamičnyja.
Tak atrymałasia i ŭ vypadku z Alaksandram, jaki hod nazad razam z žonkaj pierajechaŭ z Mahilova ŭ Ńju-Jork. U adnym ź videa mužčyna kaža, što składana było pakinuć siabroŭ i rodnych, a taksama biznes, jaki budavali hadami — a raźvitalisia ź im za dva tydni, bo tak skłalisia abstaviny.
Niekalki dzion tamu błohier zapisaŭ žartaŭlivy rolik, u jakim byccam by raspaviadaje siabru ź Biełarusi, što za hod u ZŠA zmoh nabyć tolki pralnuju mašynu. Videa zavirusiłasia, i, niahledziačy na paznaku pra humar, u kamientaryjach źjavilisia ci to boty, ci to ščyryja jabaćki. Jany i raili viarnucca na radzimu, bo tam značna lepš, čym u ZŠA, i sprabavali vyśmiejać Alaksandra.
Karystalnica tyktoku pad nikam «Sovuška ź Minska» z aficyjnym hierbam Biełarusi na avatary nie paškadavała smajlikaŭ, jakija rydajuć ad śmiechu: «Za hod u mianie źjaviłasia ŭsia technika ŭ kvatery. Vy ruki nie apuskajcie. Heta ž Amieryka! Šmat mahčymaściaŭ tam! Vieru ŭ vas!!!» Žančyna ŭdakładniła, što jana «zvyčajnaja biudžetnica».
Alaksandr zapisaŭ joj videaadkaz, u jakim nahladna rastłumačyŭ, u čym roźnica pamiž žyćciom u Biełarusi i ZŠA:
— Dla taho, kab nam uładkavać śviežuju studyju, nam spatrebiłasia paru dzion. Z apošniaha my kupili voś taki televizar, jaki kaštuje 430 dalaraŭ, što krychu mienš, čym ja zarablaju za adzin pracoŭny dzień. To-bok, kab jaho kupić, mnie dastatkova papracavać adzin dzień.
Paśla błohier znajšoŭ anałahičny pa charaktarystykach televizar u Biełarusi — na sajcie internet-kramy «5 elemient» hetaja madel kaštuje 1799 rubloŭ.
— Kali vieryć Biełstatu, pa Mahilovie siaredniaja zarpłata 1344 rubli (u błohiera staryja danyja, u sakaviku 2024 hoda siaredniaja naličanaja zarabotnaja płata ŭ Mahiloŭskaj vobłaści skłała 1774,3 rubla. — «NN»). My sami z Mahilova, tamu biarom hetuju vobłaść. Heta značyć, vam, kab kupić taki samy televizar, treba pracavać ceły miesiac.
Pamiatajecie chłopca z «Biełarusnafty», jaki adsiadzieŭ 3 hady za abaronu pratestoŭca? Znajšoŭsia toj, kaho jon ratavaŭ ad siłavikoŭ
«Daviedalisia pra ciažarnaść žonki i nabyli kvitki»: biełarus dva tydni žyŭ na moście ŭ Mieksicy, kab trapić u ZŠA
Jak šukać novych siabroŭ, kali tabie bolš za 30 i ty vymušany emihrant?
Pamiatajecie chłopca, jaki praśpiavaŭ pieśniu NaviBand i staŭ zorkaj tyktoku? Jon raskazaŭ, jak atrymaŭ prytułak u ZŠA
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju24
Kamientary