Naŭsieda i Šymanicie vyjšli ŭ druhi tur prezidenckich vybaraŭ u Litvie, adryŭ vialiki
Hetyja dva kandydaty razychodziacca i ŭ palityčnych pytańniach, jakija datyčać biełarusaŭ.
Dziejny prezident Hitanas Naŭsieda i dziejnaja premjer-ministarka Inhryda Šymanicie vyjšli ŭ druhi tur prezidenckich vybaraŭ u Litvie
Za Naŭsiedu prahałasavali 45% vybarcaŭ, za Šymanicie — 20%.
U Litvie isnuje kansensus pa asnoŭnych kirunkach zamiežnaj palityki, temami vybaraŭ byli ŭ asnoŭnym unutrypalityčnyja pytańni — siarod jakich, da prykładu, ci pavinna matematyka być abaviazkovym vypusknym ekzamienam.
Adnak jość i palityčnyja pytańni, jakija dzialili kandydataŭ i jakija datyčać biełarusaŭ.
Tak, Hitanas Naŭsieda vystupaŭ za toje, kab abmiežavańni dla hramadzian Biełarusi byli ŭraŭnavanyja z abmiežavańniami dla hramadzian Rasii. A parłamienckaja bolšaść, jakuju ŭznačalvajuć kansiervatary Šymanicie, hetyja prapanovy błakavała. Akramia taho, Naŭsieda vystupaje za pieravod siarednich škoł, jakija pracujuć na movach «niesiabroŭskich krain», na litoŭskuju movu, što pryviało b taksama da zakryćcia vilenskaj biełaruskaj himnazii imia Franciška Skaryny. Šymanicie suprać takoj prapanovy.
Naŭsieda išoŭ na vybary jak niezaležny kandydat. Jaho padtrymali ŭ tym liku levacentrysckija sacyjał-demakraty.
Šymanicie była vyłučanaja partyjaj Chryścijanskich demakrataŭ — Sajuzam Ajčyny. Jaje baza padtrymki — Vilnia, jana tut pieramahła.
Treciaje miesca na vybarach zaniaŭ advakat Ihnas Viehiele z 12% hałasoŭ, jaho padtrymlivali pravyja partyi.
Na čaćviortym miescy — papulist Remihijus Žamajtajcis z 9% hałasoŭ.
Na piatym z 7% hałasoŭ — Eduardas Vajtkus, najbolš prarasijski z kandydataŭ. Jon pieramoh u Salečnickim (Šalčyninkajskim) rajonie, dzie bolšaść nasielnictva składajuć tutejšyja palaki, i ŭ rasiejskamoŭnym Visahinasie.
«Naša Niva» — bastyjon biełaruščyny
PADTRYMAĆ
Kamientary