Karanik padaryŭ lidaru hrupy «Lube» kvietki. Ale śpiavać, jak z Hazmanavym, nie staŭ
Chedłajnieram kancerta na 9 maja ŭ Hrodnie staŭ rasijski hurt «Lube». Haradskija ŭłady praciahnuli tradycyju zaprašać na takija śviaty rasijskich artystaŭ, jakija padtrymlivajuć vajnu va Ukrainie.
U 2023 hodzie na anałahičnym kancercie vystupaŭ Aleh Hazmanaŭ. Tady bližej pad kaniec mierapryjemstva na scenu vyjšli kiraŭnik Hrodzienskaha abłvykankama Uładzimir Karanik i pamočnik Łukašenki Juryj Karajeŭ — jany vykanali razam z artystam pieśniu «Dień Pobiedy».
Sioleta abyšłosia bieź śpieŭnaha dueta čynoŭnikaŭ na scenie. Karanik abmiežavaŭsia tym, što paśla kancertu padaryŭ frantmienu «Lube» Mikałaju Rastarhujevu kvietki.
Zrešty, bieź śpievaŭ Karanika i Karajeva viečaram 9 maja nie abyšłosia. Jany razam z hledačami kancerta vykanali dziaržaŭny himn.
Kamientary