«Nie možam harantavać biaśpieki». U Vilni admianili sustreču z Uładzimiram Arłovym
Centr biełaruskaj kultury i supolnaści ŭ Vilni paviedamiŭ pra admienu sustrečy ŭ Vilni ź biełaruskim piśmieńnikam Uładzimiram Arłovym. Pavodle paviedamleńnia, «sustrečy nie budzie z-za taho, što častka litoŭskaj supolnaści zaniepakojenaja tym, što ŭ Vilniu pryjazdžaje «hałoŭny ideołah lićvinizmu».
Pra admienu sustrečy arhanizatary zadumalisia paśla taho, jak litoŭski błohier Žylvinas Śvitojus zrabiŭ dopis u fejsbuku, u jakim nazvaŭ Arłova «hałoŭnym ideołaham lićvinizimu». Post atrymaŭ šmat uvahi adnadumcaŭ Śvitojus, pad im źjavilisia kamientary z pahrozami, u vyniku Centr biełaruskaj kultury i supolnaści ŭ Vilni pryjšoŭ da vysnovy, što «my nie možam harantavać ni biaśpieki Arłova, ni našaj».
«Biełarusam vidavočna, što Arłoŭ nie źjaŭlajecca lićvinistam. Ale chaj heta słužyć našaj supolnaści papiaredžańniem ab tym, što kali prablema kamunikacyi miž dvuch supolnaściaŭ nam vyhladaje vydumanaj, vyrvanaj z kantekstu, zmanipulavanaj prarežymnymi manipulacyjami — heta nie robić jaje mienš sapraŭdnaj dla inšaha boku», — pišuć u kanale.
I kanstatujuć:
«Hety kanflikt budzie praciahvacca. Biełaruskaja supolnaść u Litvie musić aktyŭna jaho vyrašać, i pieršym krokam hetaha vyrašeńnia abaviazkova musić być namahańnie zrazumieć pretenzii litoŭcaŭ sa ščyraj spahadaj i cikaŭnaściu».
Napiaredadni sioletniaha Dnia voli Uładzimir Arłoŭ robić tur pa krainach Bałtyi i Finlandyi. Padčas cykłu sustrečaŭ z nazvaj «Nasustrač Dniu Voli» Uładzimir Arłoŭ raskazvaje pra historyju Biełaruskaj Narodnaj Respubliki, a taksama pradstaŭlaje svaje knihi «Imiony Svabody», «Niezaležnaść — heta…», «Ajčyna» i inšyja papularnyja vydańni, što pabačyli śviet dziakujučy fondu Kamunikat.org. 20 i 21 sakavika jon pravodziŭ sustrečy ŭ litoŭskich Kłajpiedzie i Koŭnie, 22 sakavika musiła być ciapier admienienaja sustreča ŭ Vilni, a 23, 24 i 25 sakavika jaho majuć vitać adpaviedna Ryha, Talin i Chielsinki.
«Chaču zrabić Paźniaka piersonaj non-hrata» — litoŭski aktyvist
U Litvie abmiarkoŭvajuć, ci nie ŭnieści paniaćcie «lićvinizm» u Kryminalny kodeks
Departamient dziaržbiaśpieki Litvy nie znajšoŭ hrup lićvinistaŭ, jakija pahražajuć biaśpiecy krainie
Vyniki apošniaha apytańnia pakazali, što litoŭcy prychilna staviacca da biełarusaŭ
Ciapier čytajuć
Chto toj redaktar biełaruskaj Vikipiedyi, jakoha pasadzili na dva hady za «dyskredytacyju Biełarusi»2
Kamientary