MAK zaćvierdziŭ ściah, pad jakim na Alimpijadzie buduć vystupać biełarusy i rasijanie. Biez čyrvonaha, ale ź zialonym
Mižnarodny alimpijski kamitet apublikavaŭ fota niejtralnaha ściaha, pad jakim prapanujecca vystupać biełaruskim i rasijskim spartsmienam na Alimpijadzie, a taksama abjaviŭ pra jašče niekalki važnych rašeńniaŭ.
Pry hetym MAK zajaviŭ, što nie budzie patrabavać ad rasijskich i biełaruskich spartsmienaŭ dla ŭdziełu ŭ spabornictvach asudžeńnia raźviazanaj Rasijaj pry sadziejničańni režymu Łukašenki vajny va Ukrainie.
U toj ža čas MAK paviedamiŭ, što razhledzić pytańnie sankcyj za ŭdzieł u Hulniach družby, jakija Rasija choča arhanizavać jak alternatyvu Alimpijadzie.
Rasijskich i biełaruskich spartsmienaŭ, jakija adbiarucca na Alimpijadu-2024 ŭ Paryžy, nie dapuściać da ŭdziełu ŭ cyrymonii adkryćcia Hulniaŭ. Adnosna cyrymonii zakryćcia rašeńnie budzie pryniata paźniej.
Ichnija miedali, u vypadku pieramoh, nie buduć adlustroŭvacca ŭ ahulnym zaliku. Uznaharodžańnie, kali niechta zavajuje załaty miedal, budzie prachodzić pad muzyku biez słoŭ.
Na siońniašni dzień, pa aficyjnaj infarmacyi MAK, na hulni adabralisia 12 spartsmienaŭ z Rasii i 7 — ź Biełarusi. Maksimalnaja kolkaść moža być adpaviedna 55 i 28 — heta tyja spartsmieny, jakija jašče nie stracili prynamsi tearetyčnych šancaŭ zdabyć licenzii.
Skakucha Mirončyk-Ivanova: Alimpijskija hulni biez nas, biez najmacniejšych — heta nie Alimpijada
Na apošniaj letniaj Alimpijadzie vystupali 108 atletaŭ ź Biełarusi, na hulni ŭ Paryžy pakul jość tolki 6 dakładnych licenzij
Biełarusam dazvolili ŭdzielničać u Paralimpijadzie ŭ niejtralnym statusie
Pad bieł-čyrvona-biełym ściaham. 30 hadoŭ tamu prajšli pieršyja Alimpijskija hulni z udziełam kamandy niezaležnaj Biełarusi
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary