Kaniec historyi. U Minsku likvidujuć tavarystva padmanutych układčykaŭ, dapamohu jakim abiacaŭ Łukašenka
Minski haradski sud pačynaje razhladać pazoŭ Ministerstva justycyi pa likvidacyi Biełaruskaha hramadskaha abjadnańnia paciarpiełych układčykaŭ «Za sacyjalnuju spraviadlivaść», piša Radyjo Svaboda
Abjadnańnie było zarehistravanaje ŭ 1995 hodzie, a ŭ 1996 hodzie jaho dziejnaść padtrymaŭ i abiacaŭ dapamohu Alaksandr Łukašenka, jaki navat vydaŭ svoj śpiecyjalny ŭkaz na hety kont, što, jak zdavałasia paciarpiełym układčykam, harantuje ich pravy.
Paciarpiełych układčykaŭ na Biełarusi ŭžo ŭ siaredzinie 90-ch było niamała. Finansavy rynak tady rehulavaŭsia słaba, pad vyhladam inviestaraŭ u finansavuju sistemu Biełarusi zajšli sumnieŭnyja elemienty z susiednich krainaŭ, źjavilisia i biełaruskija finansavyja «piramidy».
Najbolš viadomaja sprava finansavaj kampanii «FIKO», jakaja prymała ŭ hramadzian valutu na abmien pa kursie značna vyšejšym za rynkavy, abiacała ŭkładčykam vyšejšyja, čym u bankach, pracenty, a taksama admyvała hrošy z-za miažy. Na zasnavalnicu kampanii zaviali spravu, ale jana ŭciakła za miažu.
Biełaruskaja dziaržava ŭrešcie pryznała svaje abaviazacielstvy pierad układčykami zbankrutavanych bankaŭ, vypłaciŭšy fizičnym asobam — naprykład, układčykam banku «BiełBałtyja», kala 18 młn. dalaraŭ, choć i biez pracentaŭ, a voś abaviazacielstvy pierad ludźmi, jakija akazalisia achviarami «finansavych kampanij», nichto vykonvać nie źbiraŭsia.
Hetyja kampanii lehalna dziejničali na terytoryi Biełarusi i źbirali hrošy z davierlivych hramadzian, abiacajučy vysokija pracenty, impartnyja tavary pa nizkich koštach i navat tannyja kvatery, absalutna lehalna.
«Fiko», «Hajstrach», «Sekaj» i inšyja kampanii daŭno zabytyja biełaruskaj publikaj, ahułam u 1990-ch było 24 takija kampanii. Ciapier likvidujuć i abjadnańnie tych, kaho jany padmanuli.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary