Z 25 lutaha pa 3 sakavika Respublikanski teatr biełaruskaj dramaturhii i Centr biełaruskaj dramaturhii praviaduć Tydzień biełaruskaj dramaturhii «Kancentracyja».
Adkryvaje tydzień dramaturhii teatralizavanaje čytańnie aryhinalnaha varyjanta paemy «Symon-muzyka» Jakuba Kołasa, ździejśnienaje sumiesna ź Dziaržaŭnym litaraturna-miemaryjalnym muziejem Jakuba Kołasa režysioram Alenaj Źmicier. Čytańni adbuducca na placoŭcy muzieja Jakuba Kołasa.
Na praciahu tydnia amatary teatra i biełaruskaj dramaturhii zmohuć pabačyć śpiektakli «Karniej» pa tvorach Uładzimira Karatkieviča, «Viečar» pa pjesie Alaksieja Dudarava, «Kamień duraści» pa pjesie Kanstancina Ściešyka.
Akramia śpiektaklaŭ, možna naviedać novyja i ŭlubionyja sceničnyja čytańni pjes: «Maroz» Kanstancina Ściešyka, «Ja, babusia, Iliko i Łaryvon» Nadara Dumbadze i Hiha Łordkipanidze ŭ pierakładzie Andreja Makajonka, «Łondan» Maksima Daśko.
Taksama zapłanavana i adukacyjnaja prahrama, jakaja dapamoža lepš zrazumieć śviet dramaturhii i teatru. Adbuducca lekcyi «Sučasnaja dramaturhija: kluč da razhadki» i «Nieviadomaja dramaturhija: abličča biełaruskaj kłasiki».
Pieršaja — pra novuju movu sučasnych pjes, a druhaja — pra dramaturhičnyja tvory viadomych biełaruskich litarataraŭ. Dla tych, chto choča paznajomicca z «unutranaj kuchniaj», padrychtavany kruhły stoł «Sakrety sučasnaha teatra». Heta sustreča z režysiorami, akciorami i dramaturhami, jakija raspaviaduć pra teatralnuju pracu. A ŭ miežach majsterni piśma možna budzie stvaryć ułasny tekst.
Na praciahu ŭsiaho tydnia ŭ faje teatra budzie prachodzić vystava, źviazanaja z kłasičnaj biełaruskaj dramaturhijaj.
Prahrama fiestyvala
«Biełaruskija hledačy tak daŭno znachodziacca pad tonami rasijskaha kantentu, što nie razumiejuć, dzie rasijski, a dzie biełaruski paradak dnia»
Alaksandr Saładucha staŭ pieršym zornym hościem novaha prajekta muzieja Jakuba Kołasa
Treci siezon šou «Faktar.by» vyjhraŭ nieviduščy śpiavak Daniił Savienia
Kamientary