Pra toje, što aŭtobusy ŭ Vilniu, jakija štodnia adpraŭlalisia z Baranavičaŭ, bolš nie chodziać, piša miascovaje vydańnie Bar24. Z prablemaj sutyknulisia jahonyja čytačy.
Čytačka Bar24 napisała ŭ sacsietkach, što aŭtobusy ŭ Vilniu pierastali chadzić z 1 lutaha.
«U mianie muž jeździć hetym aŭtobusam. Nam treba było ŭčora kvitok kupić na luty. I my nie zmahli. Ja patelefanavała ŭ aŭtapark, mnie skazali, što rejsa naohuł niama z 1 lutaha. Što nie ŭchvalili ŭjezd, ale iduć pieramovy», — napisała haradžanka.
Pry hetym nijakaj aficyjnaj infarmacyi ad aŭtaparka ab admienie abo prypynieńni rejsaŭ na Vilniu nie było. Ale z raskładu mižnarodnych rejsaŭ z sajta aŭtaparka aŭtobus Baranavičy-Vilnia sapraŭdy źnik.
U daviedačnaj aŭtavakzała paviedamili, što rejsy na Vilniu «časova prypynienyja». Jak nadoŭha i kali ich adnoviać, nieviadoma.
Aŭtobus pa maršrucie Baranavičy-Vilnia adpraŭlaŭsia ad baranavickaha aŭtavakzała kožnuju ranicu. Z 1 lutaha pavinien byŭ źmianicca raskład aŭtobusa. Adnak u vyniku hety maršrut uvohule admianili.
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy133133
Kamientary
Vydatna - .......