«Jon hałoŭny supiernik u majoj karjery. Ja budu sumavać» — Hvardyjoła kranalna vykazaŭsia pra sychod Kłopa
Hałoŭny trenier «Mančester Sici» prakamientavaŭ zajavu treniera «Livierpula», što toj pa skančeńni siezona pakinie kłub i Anhliju.
«Bieź Jurhiena, spadziajusia, budu lepiej spać pierad matčami z «Livierpulem». Jon hałoŭny supiernik u majoj karjery. Ja budu sumavać», — skazaŭ katałonski śpiecyjalist.
Kłop i Hvardyjoła amal sinchronna pierabralisia ŭ Anhliju: adzin u 2015 hodzie, druhi ŭ 2016-m. Pryčym abodva ź Niamieččyny. Hvardyjoła treniravaŭ «Bavaryju», ź jakoj vyjhraŭ try čempijanaty Niamieččyny, a Kłop — «Barusiju», ź jakoj vyjhraŭ dva čempijanaty.
Hvardyjoła na čale «Mančester Sici» vyjhraŭ piać razoŭ čempijanat Anhlii, Kłop z «Livierpulem» adnojčy.
U sioletnim čempijanacie «Livierpul» idzie na pieršym miescy, u «Sici» adstavańnie na piać bałaŭ, ale ŭ zapasie hulnia ź ladaščym «Barnli».
***
Učora Jurhien Kłop zajaviŭ, što vyrašyŭ pakinuć «Livierpul» pa zakančeńni siezona. «Reč u tym, što ŭ mianie, jak by heta skazać, skančajucca siły. Ja mahu zrazumieć, što ŭ hety momant dla mnohich ludziej heta šok, kali vy heta ŭpieršyniu čujecie, ale ja mahu heta rastłumačyć — ci, prynamsi, pasprabavać rastłumačyć».
«Mnie padabajecca absalutna ŭsio ŭ hetym kłubie, mnie padabajecca ŭsio ŭ horadzie, mnie padabajecca ŭsio ŭ našych zaŭziatarach, mnie padabajecca kamanda, mnie padabajecca piersanał… Mnie ŭsio padabajecca. Ale toje, što ja ŭsio ž taki prymaju hetaje rašeńnie, aznačaje, što ja pierakanany: mnie daviadziecca jaho pryniać», — skazaŭ Jurhien Kłop.
Siezon 2022-23 hoda dla «Livierpula» byŭ niaŭdałym, kłub ź ciažkaściu zaviaršyŭ čempijanat na piatym miescy i nie trapiŭ u čarhovy rozyhryš Lihi čempijonaŭ.
«Minuły siezon byŭ u niejkim sensie supierskładanym, i byli momanty, kali ŭ inšych kłubach, vierahodna, rašeńnie było b takim: «Nu, dobra, vialiki dziakuj za ŭsio, ale, napeŭna, my pavinny na hetym rasstacca». Jasna, što hetaha tady nie adbyłosia», — skazaŭ niamiecki trenier.
Potym jon dadaŭ, što mahčyma vierniecca ŭ futboł, ale dakładna nie ŭ Anhliju, «navat kali jamu nie budzie čaho jeści».
Kamientary