«Niemahčyma inakš rastłumačyć, čamu miascovyja žychary pačuli «niešta hučnaje» ŭ niebie, dastali mabilnyja telefony i zmahli źniać katastrofu na videa», — piša Julijan Ropkie.
Rasijski Ił-76 upaŭ paśla vybuchu ŭ pavietry. Ab hetym piša ekśpiert Bild pa analizie adkrytych danych Juljan Ropkie, kamientujučy videa krušeńnia. Žurnalist sam piłatuje nievialikija samaloty jak lotčyk-amatar.
«Ił-76 rasijskich VPS raźbiŭsia i ŭzarvaŭsia ŭ Biełharodskaj vobłaści, niedaloka ad miažy z Ukrainaj, zahareŭšysia paśla vybuchu ŭžo ŭ pavietry i pačaŭšy razvalvacca na častki.
Rasijskija i ŭkrainskija krynicy ciapier paviedamlajuć, što Ił-76 byŭ źbity. Niemahčyma inakš rastłumačyć, čamu miascovyja žychary pačuli «niešta hučnaje» ŭ niebie, dastali mabilnyja telefony i zmahli źniać katastrofu na videa.
Kali ja pravilna baču, fiuzielaž razvalvajecca pierad padzieńniem, a kabina advalvajecca ad astatniaj častki samalota. Kab takoje zdaryłasia, pavinien byŭ adbycca davoli mocny vybuch u pavietry», — piša Ropkie.
Ciapier ukrainskija i rasijskija ananimnyja telehram-kanały, błohiery i vajenkary publikujuć supiarečlivyja danyja ab tym, ci byŭ samalot źbity i ci sapraŭdy na borcie byli ŭkrainskija vajennapałonnyja. Minabarony RF zajaviła, što na miesca vyjechała kamisija dla vyśviatleńnia pryčyn krušeńnia.
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju14
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii1414
Kamientary