Izrail prapanuje terarystam CHAMAS dvuchmiesiačnaje spynieńnie ahniu ŭ siektary Haza — u abmien na ŭsich zakładnikaŭ
Spačatku vyzvalajucca chvoryja zakładniki, a taksama mužčyny i žančyny starejšyja za 60 hadoŭ.
Amierykanskaje vydańnie Axios paviedamlaje sa spasyłkaj na krynicy va ŭradzie Izraila, što praz katarskich i jehipieckich pasiarednikaŭ CHAMAS była pieradadziena prapanova, jakaja ŭklučaje ŭ siabie dvuchmiesiačnuju paŭzu ŭ bajavych dziejańniach u ramkach šmatetapnaha pahadnieńnia, jakoje budzie ŭklučać vyzvaleńnie ŭsich zakładnikaŭ, jakija ŭtrymlivajucca ŭ Hazie, piša Bild.
Pa danych krynic vydańnia, Izrail prapanavaŭ nastupnyja kroki. Spačatku vyzvalajucca chvoryja zakładniki, a taksama mužčyny i žančyny starejšyja za 60 hadoŭ.
Paśla hetaha žančyny-vajskoŭki, cyvilnyja mužčyny va ŭzroście da 60 hadoŭ, mužčyny-vajskoŭcy, a taksama cieły zahinułych zakładnikaŭ pavinny być viernutyja.
Adnačasova sa spynieńniem ahniu pavinny być vyzvalenyja i paleścinskija źniavolenyja.
Padčas terarystyčnaha napadu na Izrail 7 kastryčnika 2023 hady terarysty CHAMAS uziali ŭ zakładniki 250 čałaviek.
Paśla taho jak u listapadzie 2023 hoda kala 100 dziaciej, žančyn i mužčyn byli vyzvalenyja, 132 čałavieki ŭsio jašče znachodziacca ŭ pałonie ŭ terarystaŭ. 28 ź ich ličacca zahinułymi.
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»10
Kamientary