«Usie pryznačanyja abjekty paražonyja» — Minabarony Rasii pra siońniašnija ŭdary pa Ukrainie
Minabarony Rasii paćvierdziła naniasieńnie masiravanaha rakietnaha ŭdaru pa Kijevie i Charkavie. Tam kažuć, što celami byli abjekty VPK, i ŭsie jany byli dakładna paražonyja.
«Naniesieny hrupavy ŭdar vysokadakładnaj zbrojaj vialikaj dalokaści pavietranaha i naziemnaha bazavańnia pa abjektach vajenna-pramysłovaha kompleksu Ukrainy, jakija vyrablajuć rakiety i kamplektujučyja da ich, bojeprypasy, a taksama vybuchovyja rečyvy», — havorycca ŭ zajavie.
Minabarony taksama śćviardžaje, što «ŭsie pryznačanyja abjekty paražonyja».
Tym časam kolkaść zahinułych ad načnoha abstrełu Ukrainy vyrasła da šaści čałaviek.
Piać čałaviek zahinuli i 46 paciarpieli ŭ Charkavie padčas načnoha abstrełu horada, paviedamili ŭ ofisie hienprakurora Ukrainy. Z-pad zavałaŭ adnaho z damoŭ ratujuć siamju.
U Kijevie ad abstrełu paciarpieli 12 čałaviek, u tym liku troje dziaciej.
U Paŭłahradzie Dnieprapiatroŭskaj vobłaści zahinuŭ adzin čałaviek.
Usiaho USU źbili 21 rakietu z 41, zajaviŭ hałoŭnakamandujučy Valeryj Załužny.
Kamientary