U instahramie ich masava zakidvajuć skarhami botaŭ.
Masavyja skarhi syplucca na profil Śviatłany Cichanoŭskaj u instahramie.
«Režym paličyŭ, što, zadušyŭšy svabodu słova ŭ Biełarusi, jon zmoža i ŭ siecivie «zabanić» hałasy ludziej, jakija ź im nie zhodnyja. Što ž, davajcie pastavim jamu «łajk» za takuju ideju pad kožnym pastom u maim akaŭncie i akaŭncie tych, kaho ciapier atakujuć», — napisała Cichanoŭskaja.
Pad ataku trapiŭ taksama prajekt dapamohi palitźniavolenym žančynam «Palitviazynka».
«Daviałosia zrabić staronku na čas zakrytaj. My atrymali 198 skarhaŭ, i heta zhubna dla našaj staronki. Tamu, kali łaska, padpisvajciesia na nas, raspaviadajcie siabram pra nas. My vielmi starajemsia», — paviedamiła stvaralnica prajekta Jaŭhienija Doŭhaja.
Padobnaja situacyja i z akaŭntam inicyjatyvy «Moładzievy błok».
Raniej pra ataku sajta paviedamiŭ fond «Bajsoł».
«Siońnia zranku my pieražyli samuju mocnuju i prafiesijnuju kibierataku. Śpiecyfika ataki była ŭ tym, što jana pravodziłasia na vysokim techničnym uzroŭni i novymi mietadami, ź jakimi my raniej nie sutykalisia. Ale ataka była paśpiachova adbitaja.
Dostup da sajta moža być častkova abciažarany i niedastupny ź niekatorych rehijonaŭ, ale heta vyklučna dla vašaj biaśpieki. Sajt, płaciežnaja sistema i sistema zachoŭvańnia piersanalnych danych pad achovaj i znachodziacca ŭ pracoŭnym stanie», — paviedamiŭ suzasnavalnik fondu Andrej Stryžak.
Ciapier čytajuć
Žaleznaja zasłona ŭ dziejańni: jak źmienšyłasia kolkaść pierasiačeńniaŭ miažy Biełarusi i Jeŭrasajuza za apošnija hady3
Žaleznaja zasłona ŭ dziejańni: jak źmienšyłasia kolkaść pierasiačeńniaŭ miažy Biełarusi i Jeŭrasajuza za apošnija hady
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary