Biełarusy zdali 11 tysiač hadžetaŭ dla biaśpiečnaj pierapracoŭki
Vosieńniu 2023 hoda kampanija A1 zapuściła «Eka varušniak» i prapanavała ŭsim achvotnym zdać staryja mabilnyja pryłady, kab ich mahli pierapracavać biaśpiečna dla navakolnaha asiarodździa. U vyniku z 30 listapada pa 3 studzienia kala 4 tysiač čałaviek uziali ŭdzieł u ekałahičnym mierapryjemstvie i zdali ŭ kramy A1 pa ŭsioj Biełarusi bolš za 11 tysiač niepatrebnych pryład, piša Office Life.
Dla tych, chto prynios stary hadžet, byŭ bonus-udzieł u rozyhryšy piaci novych Apple iPhone 14 Pro Max. U vyniku biełarusy prynosili staryja mabilnyja telefony, smartfony, płanšety, smart-hadzińniki i elektronnyja knihi i mianiali ich na hulniavyja kody dla ŭdziełu ŭ rozyhryšy.
Bolš za ŭsio pryład za čas dziejańnia «Eka Varušniaku» sabrana ŭ Minsku, Hrodnie i Homieli. Aktyŭna ŭdzielničali i žychary inšych haradoŭ.
U kampanii A1 raspaviali, što pieradaduć usie sabranyja pryłady na biaśpiečnuju dla navakolnaha asiarodździa ŭtylizacyju. Ale, niahledziačy na zaviaršeńnie akcyi, va ŭsich kramach A1 arhanizavana i pastajanna dziejničaje ŭłasnaja sistema zboru abstalavańnia. Takija pryłady taksama pieradajuć na biaśpiečnuju ŭtylizacyju.
Jak udakładnili pradstaŭniki kampanii, spraŭnyja hadžety, jakija znachodziacca ŭ aktyŭnaj ekspłuatacyi, nie ŭjaŭlajuć niebiaśpieki dla čałavieka i pryrody. Ale, traplajučy na śmietnik, jany stanoviacca taksičnymi: vyzvalajucca kobalt, lityj, złučeńni nikielu i kadmiju i inšyja niebiaśpiečnyja chimičnyja rečyvy, jakija źmiaščajucca ŭ ich i zabrudžvajuć vadu i hlebu.
Pry hetym płastyk, a taksama kalarovyja i kaštoŭnyja mietały nie vykarystoŭvajucca paŭtorna. Pastajanna dziejnaja sistema ad A1 pa zbory niepatrebnaha elektraabstalavańnia nie tolki dapamahaje skaračać uździejańnie na navakolnaje asiarodździe, ale i raźvivaje ekazvyčki ŭ klijentaŭ kampanii.
Ciapier čytajuć
«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon8
Kamientary