Samalot kampanii Southwind Airlines pieršy raz prylacieŭ sa Stambuła ŭ Minsk
Pieršy rejs novaha dla biełaruskaha rynku avijapieravozčyka Southwind Airlines prylacieŭ u Minsk napiaredadni pozna ŭviečary, paviedamiła pres-słužba Nacyjanalnaha aeraporta «Minsk». Avijakampanija pačała anansavanyja raniej rehularnyja paloty sa Stambuła ŭ Minsk.
Pieršym rejsam u Minsk prylacieła kiraŭnictva Southwind Airlines. Samalot siarod inšych sustrakali pradstaŭniki pasolstva Turcyi i namieśnik hiendyrektara aeraporta pa źniešnieekanamičnaj dziejnaści Mikita Siaredzič.
Miarkujučy z danych servisu flightradar24.com, pieršy palot prachodziŭ nad terytoryjaj Jeŭrasajuza. Prytym bort Southwind Airlines nie zaviarnuŭ u Biełaruś adrazu z Polščy, a praz terytoryju Litvy i Łatvii zalacieŭ u Rasiju i ŭžo adtul skiravaŭsia na Minsk.
Pavodle mierkavańnia motolko.help, avijakampanija pakul nie zmahła atrymać dazvoł MZS Biełarusi na zachod u pavietranuju prastoru Biełarusi z boku ES.
U Jeŭropie pačatak rejsaŭ kampanii Southwind Airlines, kiraŭnictva jakoj ciesna źviazanaje z Rasijaj, sustreli naściarožana. Tam aścierahajucca, što praz hetyja rejsy moža być ryzyka metanakiravanaj kantrabandy nielehalnych mihrantaŭ u Zachodniuju Jeŭropu.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś1
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Kamientary