Ličycca, što małočnyja vanny dobra ŭvilhatniajuć skuru, robiać jaje roŭnaj i hładkaj. Małočnaja kisłata dapamahaje pazbavicca ad suchich učastkaŭ na skury i aktyvizuje rost novych, zdarovych kletak. Hetyja viedy pra ŭłaścivaści małaka na praktycy ŭžyvajuć u Hrodzienskim zaaparku, kupajučy ŭ małočnych vannach źmiej.
«Źmiainaja skura vielmi dalikatnaja i adčuvalnaja. Byvaje tak, što jana trochi «psujecca» padčas lińki», — paviedamlajecca ŭ telehram-kanale zaaparka. — I voś dla palapšeńnia hetaha pracesu, dla taho, kab skura našych łuskatych hadavancaŭ znoŭ pryjšła ŭ normu, našy śpiecyjalisty i kupajuć ich u małace».
Takuju praceduru tam robiać na praciahu mnohich hadoŭ i zajaŭlajuć adkazna: «Małako na skuru ŭpłyvaje dabratvorna».
Nahadvajučy pry hetym, što, pavodle lehiendy, jehipieckaja caryca Kleapatra ŭ svoj čas prymała małočnyja vanny i mienavita ŭ hetym byŭ sakret jaje pryhažości.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary