Łukašenka patłumačyŭ, čamu začyściŭ partyi i navošta patrebnyja tyja, što zastalisia
Na siońniašniaj naradzie, dzie Alaksandr Łukašenka sklikaŭ viernych partyjcaŭ, jon patłumačyŭ, čaho čakaje ad ich.
«Biełaruskija partyi pryniasuć karyść, kali pa-sapraŭdnamu zmohuć pradstaŭlać intaresy svaich členaŭ pierad dziaržavaj, a taksama stać pamočnikami ułady ŭ tłumačeńni rašeńniaŭ, što prymajucca. Pryznačeńnie partyj — nie zmahacca ź dziaržavaj, a kankuravać pamiž saboj na ŭzroŭni prajektaŭ, zakanadaŭčych inicyjatyŭ. Usio, što nakiravana na stvareńnie», — pieradaje słovy Łukašenki «Puł pieršaha».
Jon zajaviŭ, što padčas pierarehistracyi «ačyścili partyjnaje pole ad dekaratyŭnych abjadnańniaŭ i tych, čyja dziejnaść nakiravana na padryŭ asnoŭ kanstytucyjnaha ładu našaj krainy».
«Na žal, na praciahu doŭhaha času pad šyrmaj «demakratyčnych formaŭ palityčnaha ŭdziełu» faktyčna dziejničali ekstremisckija hrupoŭki ŭ metach padryvu dziaržaŭnaści», — vykazaŭsia Łukašenka.
Nahadajem, paśla ŭviadzieńnia novych pravił pierarehistracyi byli likvidavany ŭsie apazicyjnyja partyi.
Ale pry hetym Łukašenka zajaviŭ, što «my nie adnaŭlajem KPSS, nie budujem partyju ŭłady, nie padzialajem hramadstva pa partyjnaj prynaležnaści».
Zaraz na sajcie Miniusta paviedamlajecca, što ŭ krainie zarehistravanyja čatyry partyi:
«Biełaja Ruś» (staršynia Aleh Ramanaŭ), Libieralna-demakratyčnaja partyja (Aleh Hajdukievič), Kamunistyčnaja partyja Biełarusi (Alaksiej Sokał), Respublikanskaja partyja pracy i spraviadlivaści (Alaksandr Chižniak). Na pačatak 2023 hoda ŭ Biełarusi byli 15 partyj.
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
Chto chočyt u Dvarcy Padsračnikaŭ pałučyć miech bulby, sročna zapisacca u kamasutra Kryvanosava dla pieradačy indulhiencyi ad Soncapadobnaha.