«Jašče adzin pakutlivy hod pa ŠIZA, karcarach i izalatarach». Vyniesieny prysud Źmitru Daškieviču
Palitviazień Źmicier Daškievič pavinien byŭ vyjści na volu ŭ lipieni paśla 16 miesiacaŭ źniavoleńnia. Ale jaho pakinuli za kratami nibyta za złosnaje niepadparadkavańnie patrabavańniam administracyi kałonii. Źmitru dadali hod strohaha režymu.
«U tydzień baćkoŭskaj lubovi, jaki adznačajecca ŭ krainie, moj muž, baćka čatyroch maleńkich dzietak, atrymaŭ adzin hod strohaha režymu. Samy maksimum.
Za što farmalna pa papierach? U realnaści, kaniešnie, nie heta stała nahodaj i pryčynaj. Ale ŭ papiery pakłali: nie vyjšaŭ na prahułku, adzin raz z kimści parazmaŭlaŭ, lažaŭ na padłozie ŭ izalatary paśla načnoha zmahańnia z choładam.
Za heta moj muž atrymaŭ adzin hod strohaha režymu.
A dzieci atrymali — jašče adzin hod biez baćkoŭskaj lubovi.
Ja jak mahła rychtavałasia da hetaha «hoda». Ale kali sprava ŭ sudzie raźbiłasia ŭščent — u serca zakrałasia nadzieja, što moža chacia b daduć mienš.
Kali prakuror učora zaprasiła hod strohaha — ja maliła Boha, kab byŭ chacia b inšy režym. Ale nie. Hod strohaha režymu. Adzin dzień izalatara za adzin dzień turmy.
Jašče adzin pakutlivy hod pa ŠIZA, karcarach i izalatarach. Jašče adzin hod žyćcia z vyrvanym sercam», — napisała žonka Źmitra Nasta na svajoj staroncy ŭ fejsbuku.
Źmitra Daškieviča zatrymali ŭ krasaviku 2022 hoda. Razam z žonkaj Nastaj jaho abvinavacili va ŭdziele ŭ akcyi pratestu 23 žniŭnia 2020 hoda.
14 lipienia 2022 hoda Źmitru pryznačyli 1,5 hoda kałonii, a Naście — 3 hady «chatniaj chimii».
-
KDB vyklikaje biełarusaŭ, jakija pryjazdžajuć dadomu z-za miažy, na razmovy pra dziaržaŭnuju zdradu
-
Napiaredadni 1 vieraśnia biełaruska sprabavała zarabić na šakaładkach z cytatami Łukašenki
-
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś1
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach12
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary