Ukraina viarnuła kantrol nad hazazdabyŭnymi płatformami ŭ Čornym mory — HUR
U Hałoŭnym upraŭleńni raźviedki Ministerstva abarony Ukrainy zajavili ab ustalavańni kantrolu nad haza– i naftazdabyŭnymi płatformami kala bierahoŭ Kryma ŭ Čornym mory. Rasija zachapiła «vyški» ŭ sakaviku 2014 hoda, a potym jany znachodzilisia pad kantrolem Viktara Miedźviedčuka.
Hetyja płatformy viadomyja va Ukrainie jak «vyški Bojki» — pa imieni kolišniaha ministra enierhietyki Ukrainy Juryja Bojki, padčas kiravańnia jakoha ich nabyli dla dziaržaŭnaha pradpryjemstva pa zavyšanych cenach.
Jak adznačajecca ŭ videamateryjale HUR, unikalnuju apieracyju ŭkrainskija śpiecyjalnyja padraździaleńni ździejśnili pad abstrełam rasijskaha samalota Su-30. U vyniku boju samalot byŭ paškodžany, a adzin z ukrainskich bajcoŭ apynuŭsia ŭ vadzie i vymušany byŭ pravieści ŭ adkrytym mory 14 hadzin, pakul jaho nie zmahli ŭratavać.
U raźviedcy paviedamili, što padčas apieracyi zachapili «kaštoŭnyja trafiei»: zapas viertalotnych bojeprypasaŭ typu niekiravanych avijarakiet i radyjołakacyjnuju stancyju «Niava», jakaja moža adsočvać ruch karabloŭ u Čornym mory.
Letaś u červieni ŭkrainskija vojski zmahli abstralać hetyja płatformy, u vyniku čaho źniščyli viertalotnuju placoŭku, jakuju vykarystoŭvali rasijskija vajskovyja viertaloty.
Ciapier čytajuć
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany5
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary