27 žniŭnia Śviatłana Cichanoŭskaja razam ź ministram zamiežnych spraŭ Aŭstryi Alaksandram Šalenbierham vystupić na Jeŭrapiejskim forumie ŭ Alpbachu (Aŭstryja), paviedamlaje pres-słužba palityka.
28 žniŭnia zranku Cichanoŭskaja biare ŭdzieł u panelnaj dyskusii, pryśviečanaj rehijanalnaj biaśpiecy i budučyni Uschodniaha partniorstva. Cichanoŭskaja budzie ŭzdymać pytańni palitviaźniaŭ, pryciahnieńnia pamahatych režymu da adkaznaści, dapamohi biełaruskim rełakantam i ŭklučeńnia demakratyčnaj Biełarusi ŭ jeŭrapiejskija struktury i prahramy.
Jeŭrapiejski forum u Alpbachu byŭ zasnavany paśla Druhoj suśvietnaj vajny jak placoŭka dla abmierkavańnia šlachoŭ baraćby z nacyzmam i kamunizmam, dziela ŭstalavańnia demakratyi i miru ŭ Jeŭropie.
28-29 žniŭnia Cichanoŭskaja biare ŭdzieł u mižnarodnym forumie ŭ Bledzie ( Słavienija), dzie paŭdzielničaje ŭ dyskusii pra budučyniu Uschodniaha partniorstva razam z pradstaŭnikami Hruzii, Armienii, Azierbajdžana. Cichanoŭskaja ahučyć bačańnie raźvićcia adnosinaŭ pamiž Biełaruśsiu i ES, prezientuje pazicyju demakratyčnych sił ab jeŭrapiejskim vybary (pryniatuju 6 žniŭnia ŭ Varšavie) i prajekt biełaruskaha pašparta.
Zapłanavany pieramovy z prezidentkaj Słavienii, premjeram Bałharyi, ministarkaj zamiežnych spraŭ Kanady, ministram zamiežnych spraŭ Paŭnočnaj Makiedonii, jakaja staršyniuje ŭ ABSIE.
-
Pamior biznesmien z 90-ch Alaksandr Smancar. Heta jon u 2010 zvaniŭ Statkieviču na Płošču i zaklikaŭ «siadać u kresła Sidorskaha»
-
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier
-
Niamiecki deputat, jaki maje pad Lidaj firmu pa pierapracoŭcy cybuli, vyklikaŭ palicyju na žurnalistaŭ i byłoha biełaruskaha viaźnia
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary