Pad Minskam rybu kietu pierafarboŭvali ŭ «stronhu» i kazali, što tak jašče lepš
Pryvatnaja firma pad Minskam pradavała farbavanuju kietu pad vyhladam fareli. Ciapier uładalnikaŭ firmy buduć za hetu schiemu sudzić, paviedamiŭ Śledčy kamitet.
Historyja hetaj biznes-schiemy pačałasia viasnoj minułaha hoda, kali na pradpryjemstva pastupili zajaŭki na vyrab paŭfabrykataŭ stronhi ŭ kavałkach. Nieabchodnaj syraviny ŭ dastatkovaj kolkaści nie znajšłosia, adnak u hałoŭnaha technołaha ŭźnikła ideja: uziać tannuju rybu ź siamiejstva łasosievych i vydać jaje za darahuju.
Pakolki probnaja partyja nie vyklikała padazreńniaŭ u zamoŭcy, to schiemu pastavili na patok. Farbavanuju kietu stali pradavać pad vyhladam «stronhi viasiołkavaj». Takim čynam było realizavana bolš za dźvie tony ryby, a prybytak ad prodažu skłaŭ nie mienš za 11 tysiač rubloŭ.
Kali schiema raskryłasia, to pradprymalniki sprabavali apraŭdacca tym, što «tak navat lepš», bo kieta, maŭlaŭ, bolš čystaja ryba i nie sastupaje ŭ spažyŭčaj kaštoŭnaści stronzie.
Tym nie mienš, jany stali fihurantami pa niekalkich kryminalnych artykułach, uklučajučy ŭviadzieńnie spažyŭcoŭ u zman i pieravyšeńnie paŭnamoctvaŭ. Ciapier im pahražaje da 6 hadoŭ pazbaŭleńnia voli.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY25
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary