«Nu tady dalej bieź mianie». Šrajbman raskazaŭ, jak paśla vybaraŭ Makiej źbiraŭsia iści da Łukašenki inicyjavać dyjałoh
Arciom Šrajbman raspavioŭ, jak u žniŭni 2020 hoda paśla vybaraŭ jon kamunikavaŭ z tahačasnym ministram zamiežnych spraŭ Uładzimiram Makiejem ab dyjałohu z Kaardynacyjnaj radaj.
U vypusku jutub-kanała «Časiki tikajut» Šrajbman adznačyŭ, što jon moža pra heta havaryć, bo Makiej pamior. «Kali b jon byŭ žyvy, pry ŭsim tym, jaki jon śvinski vybar tady zrabiŭ, ale tym nie mienš ja liču, što jość niejkija praviły prystojnaści, jakija nielha parušać navat z takimi ludźmi», — skazaŭ jon.
Pavodle słoŭ Šrajbmana, u pieryjad z 13 pa 15 žniŭnia ŭ jaho była karotkaja pierapiska z Makiejem u telehramie, kantakt jakoha jon zmoh adšukać.
«Ja jamu niešta pafasnaje napisaŭ na temu histaryčnaha momantu, što jość mahčymaść uvajści ŭ historyju ci tak, ci tak, jak jon u vyniku i ŭvajšoŭ. Ja skazaŭ jamu, što viedaju ludziej, jakija ciapier źbirajuć Kaardynacyjnuju radu. Kali jon raptam zachoča źviazacca, arhanizavać dyjałoh, to ja dapamahu jamu znajści kantakty.
Jon mnie tady napisaŭ (nijakaj jašče nie było alerhii na kamunikacyju), što jon płanuje sam iści da Łukašenki (jon napisaŭ niešta kštałtu «navierch») i inicyjavać dyjałoh. Mienavita pra dyjałoh ja zapomniŭ. Heta dakładna było pierad maršam 16-ha, ale paśla takich pratestaŭ, jak žančyny ŭ biełym. Heta 13, 14, 15 čysło. Ja kažu: «A kali nie? Kali Łukašenka skaža, što nijakaha dyjałohu, močym?» Jon adkazaŭ: «Tady dalej bieź mianie». I jašče sa šmatkropjem, jak ludzi hetaha pakaleńnia lubiać dadavać z pafasam», — raspavioŭ Arciom Šrajbman.
Na pytańnie, ci zastaŭsia ŭ jaho skryn pierapiski, Šrajbman adkazaŭ, što nie, i patłumačyŭ: «U tyja dni heta ŭsio było vielmi niebiaśpiečna i zdavałasia: što, kali mianie z hetym skrynam złoviać ci jaho telefon pahladziać? Pryčym my pierapisku imhnienna pačyścili. Jon mnie napisaŭ: «Nu tady dalej bieź mianie», — i naša pierapiska skončyłasia. Ja jašče napisaŭ: «Pryjemna ździŭleny» — ci niešta takoje. A jon mnie prosta napisaŭ: «Usio. Kaniec suviazi».
Čytajcie jašče:
Šrajbman nazvaŭ asnoŭnyja pamyłki demakratyčnych sił Biełarusi
Šrajbman: pra rasstreły čynoŭnikaŭ, zamienu Makieja, płan Pucina i Kaleśnikavu
-
Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej
-
Łukašenka raskazaŭ, što karova pavinna stajać u pałacy, i kožnamu nieabchodna «choć pa dźvie barazionki» bulby pasadzić
-
Kamisija ci admova: jakija banki hatovy ŭziać u vas nie samyja idealnyja kupiury
Kamientary