Rasijski śpiavak Juryj Łaza, jaki prasłaviŭsia miemami i absurdnymi zajavami, zajaviŭ, što nie palacieŭ by ŭ kosmas, kali b jamu pastupiła prapanova pahladzieć, jak u rečaisnaści vyhladaje Ziamla. Jon patłumačyŭ svoj adkaz tym, što nie vieryć u isnavańnie kosmasu.
«Nie, bo nijakaha kosmasu nie isnuje», — cytuje Łazu Delfi.ee.
Śpiavak nie vieryć nie tolki ŭ isnavańnie kosmasu, ale taksama jość pierakananym prychilnikam teoryi płoskaj Ziamli.
Jak udakładniaje sam Łaza, jaki skončyŭ hieafak u Kazachstanie, jon na ŭłasnym dośviedzie pierakanaŭsia, što vada nie moža ahibać Ziamlu, bo ŭ jaje niama takoj ułaścivaści.
Muzyka Juryj Łaza raniej vykazaŭ mierkavańnie, što aktrysa Julija Pierasild nie lotała ŭ kosmas padčas zdymak filma «Vyklik», bo «Ziamla płoskaja».
U adnym ź intervju jon adznačyŭ, što ŭsie sceny mahli być źniatyja ŭ paviljonie. Jon taksama zasumniavaŭsia ŭ tym, što Juryj Haharyn sapraŭdy lotaŭ u kosmas.
Bijołah Alaksandr Pančyn rastłumačyŭ, što siarod ludziej, jakija vierać u teoryju płoskaj Ziamli, šmat tych, chto aktyŭna hladzić telebačańnie, jakoje źjaŭlajecca surjoznaj krynicaj dezynfarmacyi. Pavodle słoŭ śpiecyjalista, navukovyja viedy časam akazvajucca zanadta składanymi dla razumieńnia, tamu ludziam praściej vieryć u mify.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary